ജർമനിയിൽ നഴ്സിംഗ് പഠിക്കാം

ജർമനിയിൽ കോഴ്സ് ഫീ ഇല്ലാതെ, സ്റ്റൈപെൻഡോടെ നഴ്സിംഗ് പഠനത്തിനും ജോലിക്കും അവസരം. കേരള സർക്കാരിന് കീഴിലുള്ള നോർക്ക റൂട്ട്സിന്റെ ട്രിപ്പിൾ വിൻ ട്രെയ്നി പ്രോഗ്രാമിന്റെ ഭാഗമായാണിത്. 20 ഒഴിവാണ് ഇപ്പോഴുള്ളത്. ജർമനിയിൽ രജിസ്ട്രേഡ് നഴ്സ് ആയി ജോലി ചെയ്യുന്നതിനുള്ള വൊക്കേഷണൽ നഴ്സ് ട്രെയ്നിംഗാണ് പ്രോഗ്രാം വഴി ലഭിക്കുക. ജർമനിയിലെ വിവിധ ആശുപത്രികൾ, കെയർ ഹോമുകൾ എന്നിവിടങ്ങളിലായിരിക്കും പഠനശേഷം ഇവർക്ക് നിയമനം.

യോഗ്യത:- ബയോളജി ഉൾപ്പെടുന്ന സയൻസ് സ്ട്രീമിൽ 60 ശതമാനം മാർക്കോടെ പ്ലസ് ടു ഉള്ളവർക്ക് അപേക്ഷിക്കാം. കൂടാതെ ജർമൻ ഭാഷയിൽ B1, B2 ലെവൽ പാസായിരിക്കണം. ജൂനിയർ റെഡ് ക്രോസ് അംഗത്വമുള്ളവർക്ക് അധിക പരിഗണന ലഭിക്കും. 18നും 27നും ഇടയ്ക്ക് പ്രായമുള്ള കേരളീയ വിദ്യാർത്ഥികൾക്ക് അപേക്ഷിക്കാം.

വെബ്സൈറ്റ്: www.norkaroots.kerala.gov.in.

അവസാന തീയതി: മാർച്ച് 7.

കൂടുതൽ വിവരങ്ങൾക്ക്: 0471- 2770577, 2770536.