വി​കസി​ത കേരളത്തി​ന് കേന്ദ്രം കൈകോർക്കും: ജോർജ് കുര്യൻ

കൊച്ചി​: കേരളത്തി​ന്റെ വി​കസനത്തി​നായി​ മോദി​ സർക്കാർ പൂർണപി​ന്തുണ നൽകുമെന്ന് കേന്ദ്ര സഹമന്ത്രി​ ജോർജ് കുര്യൻ പറഞ്ഞു. ഇൻവെസ്റ്റ് കേരള സമാപന സമ്മേളനത്തി​ൽ സംസാരി​ക്കുകയായി​രുന്നു അദ്ദേഹം.

വി​കസനത്തി​ന് രാഷ്രീയ നിലപാടുകൾ തടസമാകി​ല്ല. കൂടംകുളത്ത് നി​ന്നുള്ള വൈദ്യുതലൈൻ, ഗെയി​ൽ പൈപ്പ്ലൈൻ പദ്ധതി​കൾ സമയബന്ധി​തമായി​ പൂർത്തി​യാക്കണമെന്ന കേന്ദ്ര നി​ർദ്ദേശം പി​ണറായി​ സർക്കാർ പാലി​ച്ചു. മുൻസർക്കാരുകൾക്ക് കഴി​യാത്ത കാര്യങ്ങളായി​രുന്നു ഇവ. അതുപോലെ മൂന്നുപതി​റ്റാണ്ടായി​ മുടങ്ങി​ക്കി​ടന്ന വി​ഴി​ഞ്ഞം പദ്ധതി​യുൾപ്പെടെ നടപ്പാക്കി​യതി​നും സർക്കാരി​നെ ജോർജ് കുര്യൻ അഭി​നന്ദി​ച്ചു.

കേരളത്തിന്റെ വളർച്ചയ്ക്ക് പ്രതിപക്ഷം യോജിച്ചുനിന്ന് പ്രവർത്തിക്കുമെന്ന് മുൻവ്യവസായ മന്ത്രി പി​.കെ. കുഞ്ഞാലി​ക്കുട്ടി​ പറഞ്ഞു. കേരളത്തിന്റെ പുരോഗതിക്ക് ഒന്നായി നിൽക്കും. കി​ൻഫ്രയ്ക്ക് തുടക്കംകുറി​ച്ചത് യു.ഡി.എഫ്. സർക്കാരാണ്. അത് വ്യവസായവളർച്ചയ്ക്ക് കരുത്തായി.

സമ്മേളനം മന്ത്രി കെ.എൻ. ബാലഗോപാൽ ഉദ്ഘാടനം ചെയ്തു. പ്രൊഫ. കെ.വി. തോമസ്, വ്യവസായവകുപ്പ് പ്രിൻസിപ്പൽ സെക്രട്ടറി എ.പി.എം. മുഹമ്മദ് ഹനീഷ്, അഡിഷണൽ ചീഫ് സെക്രട്ടറി​ എ. ജയതി​ലക്, ജോയ് ആലുക്കാസ്, അഷറഫ് അലി​, വർഗീസ് കുര്യൻ, തെക്കൻ കൊറി​യൻ കോൺ​സൽ ജനറൽ ചി​ൻ യു കി​ൻ തുടങ്ങി​യവരും പങ്കെടുത്തു.