മാലിന്യ പ്ലാന്റ് കരാർ റദ്ദാക്കി

തിരുവനന്തപുരം: കൊച്ചി ബ്രഹ്മപുരത്തും കോഴിക്കോട്, തിരുവനന്തപുരം എന്നിവിടങ്ങളിലേയും വേസ്റ്റ് എനർജി പ്ലാന്റുകൾ സ്ഥാപിക്കുന്നതിന് നിലവിലുള്ള പദ്ധതി അവസാനിപ്പിക്കാൻ മന്ത്രിസഭാ യോഗം തീരുമാനിച്ചു. ബ്രഹ്മപുരത്ത് ബി.പി.സി.എൽ ആഭിമുഖ്യത്തിലുള്ള സി.ബി.ജി പ്ലാന്റ് നിർമ്മാണം നടന്നുവരുന്ന സാഹചര്യത്തിലും കോഴിക്കോടും തിരുവനന്തപുരത്തും സി.ബി.ജി പ്ലാന്റിന് ശുപാർശ ചെയ്തതിനാലുമാണ് മുൻ കരാറുകൾ റദ്ദാക്കുന്നത്. കോഴിക്കോട്, കൊല്ലം പ്ലാന്റുകളുടെ നിർമ്മാണവുമായി ബന്ധപ്പെട്ട കൺസഷൻ കരാർ റദ്ദാക്കാനും തീരുമാനിച്ചു.