സി.പി.എമ്മിനെതിരെ വിമർശനവുമായി പി.കെ.ശശി

പാലക്കാട്: പാർട്ടിക്കെതിരെ ഒളിയമ്പുമായി അച്ചടക്ക നടപടി നേരിട്ട കെ.ടി.ഡി.സി ചെയർമാൻ പി.കെ.ശശി. മദ്യവും കഞ്ചാവുമടിച്ച് ഘോരഘോരം പ്രസംഗിക്കുന്നവരുടെ നല്ലകാലം കഴിയുന്നുവെന്ന് ശശി ഫേസ് ബുക്കിൽ കുറിച്ചു. കൂടെ നിന്ന് കുതികാൽവെട്ടിയും ചതിച്ചും സുഖിക്കാമെന്ന് കരുതുന്നവർക്ക് നഷ്ടത്തിന്റെയും മോഹഭംഗത്തിന്റെയും കാലമായിരിക്കും വരാനിരിക്കുന്നത്. ഒന്നിന്റെ മുൻപിലും ആത്മാഭിമാനം പണയപ്പെടുത്താതിരിക്കുക. എവിടെയും സ്വന്തം അഭിപ്രായം പറയാൻ മടിക്കാതിരിക്കുക. ഉയിര് പോകും വരെ ഉശിരു കൈവിടാതിരിക്കുയെന്നും പറയുന്നു