അദാലത്തിൽ തീർപ്പാക്കിയത് 12,738 പരാതികൾ

തിരുവനന്തപുരം: താലൂക്ക് തല അദാലത്തുകളിൽ 12,738 പരാതികൾ പരിഹരിച്ചതായി മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. ഇതുവരെ 49 അദാലത്തുകളാണ് പൂർത്തീകരിച്ചത്. ഇനി 29 അദാലത്തുകൾ പൂർത്തീകരിക്കാനുണ്ട്. ഇന്നലെ വരെ അദാലത്തുകളിലേക്ക് 36,931 പരാതികളാണ് ലഭിച്ചത്. 12,738 പരാതികൾ തീർപ്പാക്കി. 19,253 പരാതികളിൽ തുടർ നടപടികൾ സ്വീകരിച്ചുവരുന്നു. 4,940 പരാതികളിൽ നടപടിയെടുക്കാനായില്ല. ഇവ അദാലത്തിന്റെ പരിഗണനാ വിഷയങ്ങൾക്ക് പുറത്തുള്ളതും നിയമപ്രശ്നങ്ങളുള്ളവയുമാണ്.