വാളയാർക്കേസ്: നീതിക്കായി സമരം നടത്തുമെന്ന് അമ്മ

പാലക്കാട്: തങ്ങളുടെ നിരപരാധിത്വം തെളിയിക്കുമെന്നും ആരോപണം ഉന്നയിക്കുന്ന സി.ബി.ഐ തെളിവുതരട്ടെയെന്നും വാളയാറിൽ ദുരൂഹ സാഹചര്യത്തിൽ മരിച്ച പെൺകുട്ടികളുടെ അമ്മ പറഞ്ഞു. യഥാർത്ഥ പ്രതികളെ പറയാൻ കഴിയാത്തത് കൊണ്ടാണ് സി.ബി.ഐ മാതാപിതാക്കളെ പ്രതി ചേർത്തത്. മക്കളുടെ മരണത്തിൽ സി.ബി.ഐ അന്വേഷണത്തിലൂടെ പ്രതികളെ പിടികൂടാൻ കഴിയുമെന്ന വിശ്വാസം നഷ്ടപ്പെട്ടു.

സി.ബി.ഐയെക്കാൾ കേരള പൊലീസാണ് നല്ലതെന്ന് ഇപ്പോൾ തോന്നുന്നു. മക്കളുടേത് കൊലപാതകമെന്ന കാര്യം ഒരിക്കൽ തെളിയും. കേസിൽ നിയമപരമായ പോരാട്ടം നടത്തുന്നതിനൊപ്പം നീതിക്കു വേണ്ടി സമരവും നടത്തും. കേസ് അട്ടിമറിക്കാൻ തന്നെയാണ് സി.ബി.ഐയുടെയും ലക്ഷ്യം. നേരത്തെ പൊലീസ് നടത്തിയ അന്വേഷണം തെറ്റായ രീതിയിലാണെന്നും കേസ് അട്ടിമറിക്കപ്പെട്ടുവെന്നും കോടതിക്കും സർക്കാരിനും ബോദ്ധ്യമായതിനാലാണ് സി.ബി.ഐ അന്വേഷണത്തിന് ഉത്തരവിട്ടത്.

എന്നാൽ, അന്വേഷണം ശരിയായ ദിശയിൽ ആയിരുന്നില്ലെന്നതിന്റെ തെളിവാണ് ഇപ്പോഴത്തെ സംഭവങ്ങൾ. കുഞ്ഞ് മരിക്കുന്നതിന് മുമ്പേ പീഡിക്കപ്പെട്ട കാര്യം മാതാപിതാക്കൾ അറിഞ്ഞിരുന്നുവെന്നാണ് പറയുന്നത്. അങ്ങനെ അറിഞ്ഞിരുന്നെങ്കിൽ ഇന്ന് താൻ ഇങ്ങനെ മാദ്ധ്യമങ്ങൾക്ക് മുന്നിൽ നിൽക്കുമായിരുന്നില്ല. ആദ്യത്തെ മകൾ പീഡനത്തിനിരയായത് അറിയാൻ പോസ്റ്റ്‌മോർട്ടം റിപ്പോർട്ട് ആവശ്യപ്പെട്ടിട്ടും നൽകിയിരുന്നില്ല. രണ്ടാമത്തെ മകളും മരിച്ചശേഷമാണ് അത് ലഭിക്കുന്നത്. അപ്പോഴാണ് രണ്ടുപേരും പീഡിപ്പിക്കപ്പെട്ടുവെന്ന് അറിഞ്ഞത്.

കേസ് അട്ടിമറിക്കാതിരിക്കാനാണ് അഡ്വ. രാജേഷ് മേനോനെ നൽകാൻ സർക്കാരിനോട് ആവശ്യപ്പെട്ടത്. എന്നാൽ, ഇപ്പോഴും അനുവദിച്ചിട്ടില്ല. ഉന്നതരായ വക്കീലന്മാരെ സർക്കാർ തന്നാലും ഞങ്ങൾക്ക് തൃപ്തി രാജേഷ് മേനോൻ ആണ്. നീതി കിട്ടുന്നുവരെ പോരാട്ടം തുടരും.

പ്ര​തി​ക​ളെ​ ​സം​ര​ക്ഷി​ക്കാ​ൻ​ ​നീ​ക്കം​:​ ​സ​മ​ര​സ​മി​തി

പാ​ല​ക്കാ​ട്:​ ​സി.​ബി.​ഐ​ ​കോ​ട​തി​യി​ൽ​ ​സ​മ​ർ​പ്പി​ച്ച​ ​കു​റ്റ​പ​ത്രം​ ​യ​ഥാ​ർ​ത്ഥ​ ​പ്ര​തി​ക​ളെ​ ​സം​ര​ക്ഷി​ക്കു​ന്ന​തി​നും​ ​നീ​തി​ക്കു​ ​വേ​ണ്ടി​ ​സ​മ​രം​ ​ചെ​യ്യു​ന്ന​ ​മാ​താ​പി​താ​ക്ക​ളെ​ ​പീ​ഡി​പ്പി​ക്കു​ന്ന​തി​നു​മാ​ണെ​ന്ന് ​വാ​ള​യാ​ർ​ ​സ​മ​ര​സ​മി​തി.​ ​സി.​ബി.​ഐ​ ​ആ​ദ്യം​ ​സ​മ​ർ​പ്പി​ച്ച​ ​കു​റ്റ​പ​ത്രം​ ​പാ​ല​ക്കാ​ട് ​പോ​ക്‌​സോ​ ​കോ​ട​തി​ ​ത​ള്ളി​യ​തി​നെ​ ​തു​ട​ർ​ന്ന് ​നി​യോ​ഗി​ക്ക​പ്പെ​ട്ട​ ​സി.​ബി.​ഐ​യു​ടെ​ ​ര​ണ്ടാം​ ​അ​ന്വേ​ഷ​ണ​ ​സം​ഘ​വും​ ​കേ​സി​ൽ​ ​കൊ​ല​പാ​ത​ക​ത്തി​ന്റെ​ ​സാ​ദ്ധ്യ​ത​ ​തേ​ടി​യി​ട്ടി​ല്ല.​ ​പോ​സ്റ്റ്മാ​ർ​ട്ടം​ ​റി​പ്പോ​ർ​ട്ടും​ ​കു​ട്ടി​യു​ടെ​ ​ഉ​യ​ര​വും​ ​സെ​ലോ​ഫി​ൻ​ ​പ​രി​ശോ​ധ​നാ​വി​വ​ര​ങ്ങ​ളും​ ​ആ​ദ്യ​ത്തെ​ ​കു​ട്ടി​ ​കൊ​ല്ല​പ്പെ​ട്ട​പ്പോ​ൾ​ ​ര​ണ്ടാ​മ​ത്തെ​ ​കു​ട്ടി​ ​ന​ൽ​കി​യ​ ​മൊ​ഴി​ക​ളും​ ​ആ​ത്മ​ഹ​ത്യ​ ​ചെ​യ്ത​ ​പ്ര​തി​യു​ടെ​ ​ഫോ​ൺ​ ​വി​വ​ര​ങ്ങ​ളും​ ​അ​വ​ർ​ ​പ​രി​ഗ​ണി​ച്ച​തേ​യി​ല്ല.​ ​ഇ​ര​ക​ൾ​ക്കു​ ​സ്വീ​കാ​ര്യ​നാ​യ​ ​ഒ​രു​ ​സ്‌​പെ​ഷ്യ​ൽ​ ​പ​ബ്ലി​ക് ​പ്രോ​സി​ക്യൂ​ട്ട​റെ​ ​നി​യ​മി​ക്ക​ണ​മെ​ന്ന​ ​ആ​വ​ശ്യം​ ​ത​ള്ളി​ ​കു​ടും​ബ​ത്തി​ന്റെ​ ​അ​റി​വോ​ ​സ​മ്മ​ത​മോ​ ​ഇ​ല്ലാ​തെ​ ​മ​റ്റൊ​രു​ ​വ​ക്കീ​ലി​നെ​ ​നി​യ​മി​ച്ച​തി​ലും​ ​ദു​രൂ​ഹ​ത​യു​ണ്ട്.