മഅ്ദനിക്കെതിരായ ഹർജി തീർപ്പാക്കി

കൊച്ചി: ഭാരതീയ വിചാരകേന്ദ്രം മുൻ ഡയറക്ടർ പി. പരമേശ്വരൻ, ഫാ. അലവി എന്നിവരെ കൊലപ്പെടുത്താൻ പി.ഡി.പി നേതാവ് അബ്ദുൾ നാസർ മഅ്ദനിയടക്കമുള്ളവർ ഗൂഢാലോചന നടത്തിയെന്ന കേസിന്റെ അന്വേഷണം സി.ബി.ഐക്കോ എൻ.ഐ.എക്കോ കൈമാറണമെന്ന ഹർജി ഹൈക്കോടതി തീർപ്പാക്കി.

കേസിൽ തെളിവില്ലെന്ന് കണ്ടെത്തി 2020 ൽ ചീഫ് ജുഡിഷ്യൽ മജിസ്‌ട്രേറ്ര് കോടതിയിൽ തുടർനടപടികൾ അവസാനിപ്പിക്കാൻ റിപ്പോർട്ട് നൽകിയതാണെന്ന് ക്രൈംബ്രാഞ്ച് അറിയിച്ചു.ഇതിന്റെ അടിസ്ഥാനത്തിലാണ് ജസ്റ്റിസ് സി.പി. മുഹമ്മദ് നിയാസ് തുടർ നടപടികൾ അവസാനിപ്പിച്ചത്. കൊച്ചി സ്വദേശി ടി.ജി. മോഹൻദാസായിരുന്നു ഹർജിക്കാരൻ.