മുഖ്യമന്ത്രിയെ വി​മർശി​ച്ച് പി.സി.ചാക്കോ

കൊച്ചി: മുഖ്യമന്ത്രിക്ക് ശക്തമായ മറുപടി നൽകാമായിരുന്നെങ്കിലും മൗനം പാലിക്കുകയായിരുന്നെന്ന് എൻ.സി.പി സംസ്ഥാന പ്രസിഡന്റ് പി.സി.ചാക്കോ പാർട്ടിയോഗത്തിൽ പറയുന്നതിന്റെ ശബ്ദരേഖ പുറത്ത്. എ.കെ.ശശീന്ദ്രനെ മാറ്റി തോമസ് കെ.തോമസിനെ വനം മന്ത്രിയാക്കാനുള്ള പാർട്ടി തീരുമാനം അനുവദിക്കാതിരുന്നതിലായിരുന്നു ചാക്കോയുടെ പ്രതികരണം. ജനുവരി​ 27ന് തിരുവനന്തപുരത്തെ ജി​ല്ലാ നേതൃയോഗത്തിലാണ് അദ്ദേഹം മുഖ്യമന്ത്രിയെ വിമർശിച്ചത്. യോഗത്തിൽ പങ്കെടുത്തവർ തന്നെയാണ് മാദ്ധ്യമങ്ങൾക്ക് ചോർത്തിയത്.

പാർട്ടി​ യോഗത്തി​ൽ പറഞ്ഞ കാര്യങ്ങൾ പൊതുവേദി​യിൽ ചർച്ചാവി​ഷയമാകേണ്ടതി​ല്ലെന്ന് മന്ത്രി​ എ.കെ.ശശീന്ദ്രനും പാർട്ടി​ക്കകത്തുനടന്ന കാര്യങ്ങളെക്കുറി​ച്ച് പ്രതി​കരി​ക്കാനി​ല്ലെന്ന് പി.സി.ചാക്കോയും പറഞ്ഞു. കുട്ടനാട് സീറ്റ് സി​.പി​.എം ഏറ്റെടുക്കണമെന്ന് എസ്.എൻ.ഡി​.പി യോഗം ജനറൽ സെക്രട്ടറി​ വെള്ളാപ്പള്ളി​ നടേശനും ആവശ്യപ്പെട്ടി​ട്ടുണ്ട്.