കേരളം മാനദണ്ഡം പാലിച്ചില്ല: വി. മുരളീധരൻ

ന്യൂഡൽഹി: ആശാവർക്കർമാരുടെ സമരത്തിൽ കേന്ദ്രത്തെ പഴിചാരുന്നതിൽ അടിസ്ഥാനമില്ലെന്നും മാനദണ്ഡങ്ങൾ പാലിക്കാത്തത് കേരളമാണെന്നും മുൻ കേന്ദ്രമന്ത്രി വി.മുരളീധരൻ. ദേശീയ ആരോഗ്യദൗത്യത്തിന്റെ ഭാഗമായി കേരളത്തിന് മുഴുവൻ തുകയും കേന്ദ്രസർക്കാർ നൽകിയിട്ടുണ്ട്. അതു തെറ്റാണെങ്കിൽ അവകാശ ലംഘന നോട്ടീസ് നൽകാൻ സി.പി.എം അംഗങ്ങളെ മുരളീധരൻ വെല്ലുവിളിച്ചു. 2023-24ലെ ഫണ്ട് കേരളത്തിന് നഷ്ടമായത് കേന്ദ്രപദ്ധതിയുടെ മാനദണ്ഡങ്ങൾപാലിക്കാത്തിനാലാണ്. പാർലമെന്റിൽ വച്ച കണക്ക് പ്രകാരം ദേശീയ ആരോഗ്യദൗത്യത്തിന്റെ ഭാഗമായി 914.24 കോടിയിൽ 815.73 കോടി ജനുവരി 29നകം നൽകിയിട്ടുണ്ട്. ബാക്കി തുക ഫെബ്രുവരി 12നും നൽകിയെന്നും അദ്ദേഹം പറഞ്ഞു.