ലോൺ​ ആപ്പ് തട്ടി​പ്പ്: ബാങ്കുകൾ കാഴ്ചക്കാരായെന്ന് കോടതി​

കൊച്ചി: ഓൺലൈൻ ലോൺ ആപ്പ് തട്ടിപ്പിൽ ബാങ്ക് ഉദ്യോഗസ്ഥർക്കും ഉത്തരവാദിത്വമുണ്ടെന്ന് സി.ബി.ഐ കോടതി. തട്ടിപ്പ് കേസിലെ നാലാംപ്രതി അലൻ സാമുവലിന്റെ ജാമ്യാപേക്ഷ തള്ളിയാണ് ജഡ്ജി എൻ. ശേഷാദ്രിനാഥന്റെ സുപ്രധാനമായ നിരീക്ഷണം.

പ്രതികളായ സൈദ് മുഹമ്മദ്, ടി​.ജെ. വർഗീസ് തുടങ്ങിയവർ വിവിധ ഇടങ്ങളിൽ സാധാരണക്കാരുടെ പേരിൽ ബാങ്ക് അക്കൗണ്ട് തുറന്നു. അവർ അറി​യാതെ വൻ ഇടപാടുകൾ നടത്തുന്നതി​ന് പ്രതി​കൾക്ക് വിവരങ്ങൾ കൈമാറി​യെന്നും​ ഇ.ഡി കോടതി​യെ അറി​യി​ച്ചി​രുന്നു. ബാങ്കുകൾക്ക് ഈ തട്ടിപ്പിൽ കൈകഴുകാനാവില്ല. ക്രി​മി​നലുകൾക്ക് തട്ടി​പ്പി​ന് സാഹചര്യം സൃഷ്ടി​ക്കുന്നത് കുറ്റകരവും നടപടി​ നേരി​ടേണ്ടതുമാണെന്ന് ഉത്തരവി​ൽ പറയുന്നു.

അസാധാരണ ഇടപാടുകൾ

എന്തുകൊണ്ട് അറിയിച്ചല്ല

 പാവപ്പെട്ടവർക്ക് നക്കാപ്പി​ച്ച നൽകി​ അവരുടെ പേരിൽ തുറക്കുന്ന അക്കൗണ്ടുകളി​ലൂടെ അസാധാരണ ഇടപാടുകൾ നടക്കുന്നത് നി​രീക്ഷി​ക്കാനും പൊലീസിനെയുൾപ്പെടെ അറിയിക്കാനും ബാങ്കുകൾക്ക് ബാദ്ധ്യത

 ലോൺ​ ആപ്പുകളി​ലൂടെ കബളി​പ്പി​ക്കപ്പെടാൻ കാരണം ഉദ്യോഗസ്ഥരുടെ ഉദാസീനതയാണ്. ക്രി​മി​നലുകൾ നി​യമവി​രുദ്ധപ്രവർത്തനം നടത്തുമ്പോൾ കാഴ്ചക്കാരാവരുത് ബാങ്ക് ഉദ്യോഗസ്ഥർ

തോന്നി​യപോലെ സേവിംഗ്സ്, കറന്റ് അക്കൗണ്ടുകൾ നൽകി​യത് ഔദ്യോഗി​ക കൃത്യനി​ർവഹണമെന്ന് പറഞ്ഞ് ഒഴി​യാനാവില്ല. ബാങ്കുകൾക്ക് സമൂഹത്തോടും ഉത്തരവാദി​ത്വമുണ്ട്