കണ്ണൂർ യൂണിവേഴ്സിറ്റിയിൽ പിഎച്ച്.ഡി

കണ്ണൂർ യൂണിവേഴ്സിറ്റിയിൽ വിവിധ വിഷയങ്ങളിൽ പി.എച്ച്ഡി പ്രവേശനത്തിന് അപേക്ഷിക്കാം.

അറബിക്,ആന്ത്രപ്പോളജി,കെമിസ്ട്രി,ബോട്ടണി,ഇക്കണോമിക്സ്,കൊമേഴ്സ്,ഹിന്ദി,എഡ്യുക്കേഷൻ, ജിയോളജി,ഹിസ്റ്ററി,ഐ.ടി,കന്നഡ,ലാ,ലൈബ്രറി സയൻസ്,ബയോടെക്നോളജി &മൈക്രോ ബയോളജി, മലയാളം,മാനേജ്മെന്റ് സർവീസ്,മാത്തമാറ്റിക്സ്,മോളിക്യുലാർ ബയോളജി,ഫിസിക്കൽ എഡ്യുക്കേഷൻ,ഫിസിക്സ്, പൊളിറ്റിക്കൽ സയൻസ്,സൈക്കോളജി,സംസ്കൃതം,സ്റ്റാറ്റിസ്റ്റിക്സ്,ട്രാവൽ & ടൂറിസം മാനേജ്മെന്റ്,വുഡ് സയൻസ്, സുവോളജി എന്നീ വിഷയങ്ങളാണുള്ളത്.

ഇന്റർവ്യു ഉണ്ടാകും. യു.ജി.സി/സി.എസ്.ഐ.ആർ/ഗേറ്റ്/സീഡ് ഏജൻസികളുടെ ഫെല്ലോഷിപ്പ് നേടിയവരും 2024 ജൂൺ/ഡിസംബർ സെഷനിൽ യു.ജി.സി/ സി.എസ്.ഐ.ആർ നെറ്റ് യോഗ്യത നേടിയ അപേക്ഷകർക്കും നേരിട്ട് അഭിമുഖത്തിൽ പങ്കെടുക്കാം. നെറ്റ് യോഗ്യത നേടാത്തവരും 2024ന് മുമ്പ് നെറ്റ് യോഗ്യത നേടിയതുമായ അപേക്ഷകർ ഇന്റർവ്യൂവിന് യോഗ്യത നേടണമെങ്കിൽ യൂണിവേഴ്സിറ്റി നടത്തുന്ന എഴുത്തു പരീക്ഷ വിജയിക്കണം.

 പ്രവേശന പരീക്ഷ

രണ്ടു മണിക്കൂർ നീളുന്നതാണ് പരീക്ഷ. റിസർച്ച് മെത്തഡോളജി, അനുബന്ധ വിഷയം എന്നിങ്ങനെ

രണ്ടുഭാഗമുൾപ്പെടുന്ന പരീക്ഷയിൽ ഡിസ്ക്രിപ്റ്റീവ്, മൾട്ടിപ്പിൾ ചോയ്സ് ചോദ്യങ്ങളുണ്ടാകും.

മറ്റ് സാമ്പത്തിക സഹായമൊന്നും ലഭിക്കാത്ത ഗവേഷകർക്ക് പ്രതിമാസം 20000 രൂപയും മറ്റുള്ളവർക്ക് 10000 രൂപയും വീതം പരമാവധി 3 വർഷത്തേക്ക് സ്റ്റൈപൻഡ് ലഭിക്കും. വെബ്സൈറ്റ്: research.kannuruniversity.ac.in

അപേക്ഷിക്കേണ്ട അവസാന തീയതി 15.