 വിവാഹ ദിനത്തിൽ ഹെലികോപ്ടർ അപകടം യു.എസിൽ മലയാളി യുവാവ് മരിച്ചു,​ വധുവിന് പരിക്ക്

അറ്റ്ലാന്റ: അമേരിക്കയിൽ വിവാഹത്തിനുപിന്നാലെ ഹെലികോപ്ടർ അപകടത്തിൽ വരനും പൈലറ്റും മരിച്ചു. മൂവാറ്റുപുഴ കടുവാക്കുഴി കുടുംബാംഗമായ ഫിജിയുടെയും ഫേബയുടെയും മകൻ ഡേവ് ഫിജിയാണ് മരിച്ചത്. പരിക്കേറ്റ വധു ജെസ്‌നി ചികിത്സയിലാണ്. അറ്റ്ലാന്റയിൽ വെള്ളിയാഴ്ച രാത്രി 10. 30നായിരുന്നു ദുരന്തം. വിവാഹച്ചടങ്ങുകൾക്കുശേഷം വധൂവരന്മാർ സഞ്ചരിച്ച കോപ്ട‍ർ തകർന്നുവീഴുകയായിരുന്നു. മോശം കാലാവസ്ഥയാണ് അപകട കാരണമെന്നാണ് പ്രാഥമിക നിഗമനം.

ഡേവ് ഡെൽറ്റ എയർലൈൻസ് പൈലറ്റാണ്.