ദേശീയപാതയിലെ തകർച്ച: ചെയർമാനും സംഘവും പരിശോധന നടത്തി

തിരുവനന്തപുരം:ദേശീയപാതയിലുണ്ടായ തകർച്ച അടക്കമുള്ള പ്രശ്നങ്ങൾ കണ്ടെത്തിയ തിരുവനന്തപുരം-കൊല്ലം ജില്ലകളിൽ ദേശീയപാത അതോറിട്ടി ചെയർ‌മാൻ സന്തോഷ് കുമാർ യാദവിന്റെ നേതൃത്വത്തിലുള്ള സംഘം പരിശോധന നടത്തി.ഈഞ്ചയ്ക്കൽ, കഴക്കൂട്ടം,ചെമ്പകമംഗലം,കൊട്ടിയം,മേവറം തുടങ്ങിയ സ്ഥലങ്ങളിലായിരുന്നു പരിശോധന.ഭൂഘടനാപരമായി ലോലമായതും ജലവുമായി ബന്ധപ്പെട്ട പ്രശ്നങ്ങൾക്ക് സാദ്ധ്യതയുള്ളതും മലിനജല നിർമ്മാർജന സംവിധാനങ്ങളോട് ചേർന്നകിടക്കുന്നതുമായ പ്രദേശങ്ങൾക്ക് കൂടുതൽ ഊന്നൽ നൽകി ഗുണനിലവാരമുള്ള റോഡ് നിർമ്മിക്കുമെന്ന് അദ്ദേഹം പറഞ്ഞു. ദേശീയപാത പദ്ധതികളുടെ പുരോഗതി വിലയിരുത്താൻ പദ്ധതികളുടെ നിർവഹണത്തിൽ ഉൾപ്പെട്ടിരിക്കുന്ന പ്രോജക്ട് ഡയറക്ടർമാർ, കൺസഷനർമാർ, കൺസൾട്ടന്റുമാർ, കരാറുകാർ എന്നിവരുമായി ഉന്നതതല അവലോകന യോഗം ചേരാനും തീരുമാനിച്ചു. ഇപ്പോഴുള്ള പ്രശ്നങ്ങൾ ചർച്ച ചെയ്യുന്നതിനായി ചീഫ് സെക്രട്ടറിയുമായി എൻ.എച്ച്.എ.ഐ ചെയർമാൻ കൂടിക്കാഴ്ച നടത്തും.