പോക്സോ കേസ്: പ്രതിയ്ക്ക്  136 വർഷം കഠിനതടവ്

കോട്ടയം : സിനിമയിൽ അഭിനയിക്കാനെത്തിയ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ പ്രതിക്ക് 136 വർഷം കഠിനതടവും 1,97,500രൂപ പിഴയും. കങ്ങഴ കടയിനിക്കാട് കോണേക്കടവ് ഭാഗത്ത് മടുക്കക്കുഴി വീട്ടിൽ എം.കെ.റെജി നെയാണ് (52) ഈരാറ്റുപേട്ട ഫാസ്റ്റ് ട്രാക്ക് സ്പെഷ്യൽ കോടതി ജഡ്ജ് റോഷൻ തോമസ് ശിക്ഷിച്ചത്. 2023 മേയ്‌ 31 നായിരുന്നു സംഭവം. വാടകയ്ക്ക് താമസിച്ച വീട്ടിലെത്തിയാണ് ഇയാൾ പെൺകുട്ടിയെ പീഡനത്തിനിരയാക്കിയത്. പരാതിയെ തുടർന്ന് തിടനാട് എസ്.എച്ച്.ഒ ആയിരുന്ന പി.ജി.രാജേഷാണ് പ്രതിയെ അറസ്റ്റ് ചെയ്തത്. പ്രോസിക്യൂഷനായി സ്പെഷ്യൽ പബ്ലിക് പ്രോസിക്യൂട്ടർ ജോസ് മാത്യു തയ്യിൽ ഹാജരായി.