എൻ.ഒ.സി പരിശോധിക്കണം: സുരേഷ് ഗോപി

പത്തനംതിട്ട: സംസ്ഥാനത്തെ പെട്രോൾ പമ്പുകളുടെ എൻ.ഒ.സി പരിശോധിക്കണമെന്ന് കേന്ദ്രമന്ത്രി സുരേഷ് ഗോപി ആവശ്യപ്പെട്ടു. എ.ഡി.എം നവീൻ ബാബുവിന്റെ മലയാലപ്പുഴയിലെ വീട് സന്ദർശിച്ചശേഷം സംസാരിക്കുകയായിരുന്നു അദ്ദേഹം. വിവാദ എൻ.ഒ.സിയിൽ അന്വേഷണം നടക്കുന്നതായും സംസ്ഥാനത്തെ 25 വർഷത്തെ എൻ.ഒ.സി പരിശോധിക്കണമെന്നും അദ്ദേഹം പറഞ്ഞു. നവീനി​ന്റെ കുടുംബം ഒന്നും ആവശ്യപ്പെട്ടില്ല. വരവ് ആശ്വാസമായെന്ന് പറഞ്ഞു. വിഷയത്തിൽ മാസ് പെറ്റീഷൻ നൽകിയിട്ടുണ്ടോയെന്ന് അറിയില്ല. അക്കാര്യം പരിശോധിക്കും. പെട്രോളിയം മിനിസ്ട്രിയുടെ പോളിസി ലംഘിച്ച് നടപടിയെടുക്കുന്നത് ആരായാലും കർശന നടപടിയുണ്ടാകുമെന്നും സുരേഷ് ഗോപി പറഞ്ഞു.