ശബരിമലയിൽ ഹരിവരാസന കീർത്തനം ഇടയ്ക്ക് നിലച്ചു

ശബരിമല: ശബരിമല ക്ഷേത്രത്തിൽ അയ്യപ്പന്റെ ഉറക്കുപാട്ടായ ഹരിവരാസന കീർത്തനം ഇന്നലെ ഇടയ്ക്ക് നിലച്ചു. ശബരിമലയിൽ രാത്രി നടയടയ്ക്കുന്നത് ഹരിവരാസനം ചൊല്ലിയാണ്. ശ്രീകോവിലിൽ മേൽശാന്തിയും പരികർമ്മികളും ചേർന്ന് കീർത്തനം പാടുമ്പോൾ യേശുദാസ് ആലപിച്ച കീർത്തനം പുറത്ത് മൈക്കിലൂടെ കേൾപ്പിക്കും. ഈ സമയം ഭക്തരും ഏറ്റുചൊല്ലും. റെക്കാർഡ് ചെയ്ത യേശുദാസിന്റെ കീർത്തനം ഇന്നലെ സാങ്കേതിക തകരാർ മൂലം ഇടയ്ക്ക് നിലയ്ക്കുകയായിരുന്നു. മൈക്ക് ഓപ്പറേറ്റർ തകരാർ പരിഹരിച്ചപ്പോഴേക്കും പാട്ട് പകുതി പിന്നിട്ടിരുന്നു. കീർത്തനം നിലച്ചതോടെ ഭക്തർ ആശങ്കയിലായി. നട അടയ്ക്കൽ ചടങ്ങ് പതിവു പോലെ നടന്നു.