സ്‌പോട്ട് ബുക്കിംഗ് നിലയ്ക്കലേക്ക് മാറ്റും

ശബരിമല: ദർശനം കഴിഞ്ഞ് തിരിച്ചിറങ്ങുന്നവരും ബുക്കിംഗിന് നിൽക്കുന്നവരും ചേർന്നുള്ള തിരക്ക് ഒഴിവാക്കാൻ ഇന്നുമുതൽ മുതൽ സ്‌പോട്ട് ബുക്കിംഗ് പമ്പയിൽ നിന്ന് നിലയ്ക്കലേക്ക് മാറ്റുമെന്ന് ദേവസ്വം പ്രസിഡന്റ് പി.എസ് പ്രശാന്ത് അറിയിച്ചു. 15 മുതൽ ഉച്ചകഴിഞ്ഞ് 3 തൊട്ട് വൈകുന്നേരം 5 വരെയുള്ള സ്ലോട്ടുകളിൽ ബുക്കുചെയ്ത തീർത്ഥാടകർ വൈകിട്ട് 6ന് ശേഷം എത്തണം. വെർച്വൽ ക്യൂ ബുക്കുചെയ്തവർക്ക് ഇത് സംബന്ധിച്ച് മെസേജ് നൽകിയിട്ടുണ്ട്. സ്‌പോട്ട് ബുക്കിംഗ് 15 മുതൽ 11 മണിക്ക് ശേഷമേ ഉണ്ടാകു.
9 മുതൽ വെർച്ച്വൽ ക്യൂ ബുക്കിംഗ് 50000 ആയും തത്സമയ ബുക്കിംഗ് 5000 ആയും നിജപ്പെടുത്തും. 13ന് 50000 ആയും മകരവിളക്ക് ദിവസമായ 14ന് 40000 ആയും 15ന് 60000 ആയും നിയന്ത്രിച്ചിട്ടുണ്ട്.