തെളിവുമായി ജുവലറിയുടമ ഗോവർദ്ധൻ ,​ എടുത്ത സ്വർണത്തിന് ബോർഡിന് പണം നൽകി

കൊച്ചി: ശബരിമല സ്വർണക്കൊള്ളയിൽ അറസ്റ്റിലായ ജുവലറി ഉടമ ഗോവർദ്ധൻ ഹൈക്കോടതിയിൽ ജാമ്യഹർജിക്കൊപ്പം സമർപ്പിച്ച തെളിവുകൾ തിരുവിതാംകൂർ ദേവസ്വം ബോർഡിനെ കടുത്ത പ്രതിരോധത്തിലാക്കി. 2019ൽ ദ്വാരപാലക ശില്പങ്ങളുടെ അറ്റകുറ്റപ്പണിക്കിടെ ബാക്കി വന്ന 474.97ഗ്രാം സ്വർണം വാങ്ങിയതിന് പകരമായി 9.99 ലക്ഷം രൂപ ഡിമാൻഡ് ഡ്രാഫ്റ്റുകളായി ബോർഡിൽ അടച്ചതിന്റെ പകർപ്പാണ് ഹാജരാക്കിയത്. 2.7 ലക്ഷം രൂപയുടെ സ്വർണഹാരം മാളികപ്പുറത്തമ്മയ്‌ക്ക് സമർപ്പിച്ചെന്നും ഗോവർദ്ധൻ പറയുന്നു. ശബരിമല എക്സിക്യുട്ടീവ് ഓഫീസർ, ശ്രീധർമ്മശാസ്താ അന്നദാനം ട്രസ്റ്റ് എന്നീ പേരുകളിലാണ് ഡി.ഡികൾ എടുത്തത്.

സ്വർണം ബാക്കിവന്നതിന് തെളിവായി ഉണ്ണികൃഷ്ണൻ പോറ്റി അയച്ച ഇ-മെയിലാണ് ഇതുവരെ ആധാരമാക്കിയിരുന്നത്. എന്നാൽ സ്വർണത്തിന്റെ ദുരുപയോഗം ബോർഡ് അറിയുകയും പകരം പണം സ്വീകരിക്കുകയും ചെയ്തെന്ന് സംശയിക്കാവുന്ന വിവരങ്ങളാണ് ഹർജിയിലുള്ളത്. അക്കാലത്ത് ഇത്രയും 22 കാരറ്റ് സ്വർണത്തിന് 14.97 ലക്ഷം രൂപ വിലയുണ്ടായിരുന്നു. പോറ്റിയുടെ നിർദ്ദേശപ്രകാരമാണ് ബോർഡിലേക്ക് പണവും ഹാരവും നൽകിയത്. ശേഷിക്കുന്ന 1.7 ലക്ഷം രൂപ പോറ്റി തന്റെ അക്കൗണ്ടിലേക്ക് വാങ്ങിയതായും ഗോവർദ്ധൻ പറയുന്നു.

പ്രത്യേക അന്വേഷണ സംഘം ഭീഷണിപ്പെടുത്തി സ്വർണം പിടിച്ചെടുത്തെന്നും ഹർജിയിൽ ആരോപണമുണ്ട്. ജുവലറിയിലെ ആവശ്യത്തിന് ഇറക്കുമതി ചെയ്തിരുന്ന 24 കാരറ്റ് സ്വർണബിസ്കറ്റുകളാണ് പിടിച്ചെടുത്തത്. ഇതിന് വിപണിവില 60 ലക്ഷം രൂപ വരും. അന്വേഷണവുമായി സഹകരിക്കുകയും ചോദ്യം ചെയ്യലിന് പലതവണ ഹാജരാവുകയും പൊലീസ് അന്വേഷിച്ചിരുന്ന കൽപേഷ്, നാഗേഷ് എന്നിവരെ സ്വന്തം ചെലവിൽ ഹാജരാക്കുകയും ചെയ്തു. ബോർഡിന് ഒരു നഷ്ടവും വരുത്തിയിട്ടില്ല. എന്നാൽ പൊലീസ് നടപടിയിലൂടെ തനിക്ക് പ്രശ്നങ്ങളുണ്ടായി. ആരോഗ്യപ്രശ്നങ്ങൾ ഉള്ളതിനാൽ ജയിലിൽ ജീവൻ അപകടത്തിലാണ്. അതിനാൽ ജാമ്യം അനുവദിക്കണമെന്നാണ് ഗോവർദ്ധന്റെ ആവശ്യം.

പോറ്റിയുടെ പ്രേരണകൾ

അയ്യപ്പ ഭക്തനായ താൻ 1995 മുതൽ എല്ലാ വർഷവും മല കയറുന്നുണ്ടെന്ന് ഗോവർദ്ധൻ പറയുന്നു. 2007ൽ പടിപൂജ വഴിപാടിന് ആഗ്രഹിച്ചു. എന്നാൽ ഭാഷ പ്രശ്നമായി. അപ്പോഴാണ് തന്ത്രിയുടെ മുറിയിൽ നിന്ന് ഇറങ്ങിവന്ന ഉണ്ണികൃഷ്ണൻ പോറ്റിയെ കണ്ടതും സഹായങ്ങൾ തേടിയതും. പിന്നീട് പോറ്റിയുടെ പ്രേരണയിൽ പല സംഭാവനകളും നൽകി. ഒരു ലക്ഷത്തിന്റെ ഓട്ടുരുളിയും സമർപ്പിച്ചു. പോറ്റി ആവശ്യപ്പെട്ടതു പ്രകാരമാണ് ശ്രീകോവിൽ വാതിൽ പുതുക്കിപ്പണിയലിനും കട്ടിളപ്പാളി അറ്റകുറ്റപ്പണിക്കും സ്പോൺസറായതെന്നും ഹർജിയിൽ പറയുന്നു.

ശ​ബ​രി​മ​ല​യി​ലെ​ ​സ്വ​ർ​ണം:
ക​ണ്ടെ​ത്താ​നാ​വാ​തെ​ ​എ​സ്.​ഐ.​ടി

തി​രു​വ​ന​ന്ത​പു​രം​:​ ​ശ​ബ​രി​മ​ല​ ​ശ്രീ​കോ​വി​ലി​ൽ​ ​നി​ന്ന് ​ക​വ​ർ​ന്ന​ ​സ്വ​ർ​ണം​ ​എ​വി​ടെ​പ്പോ​യെ​ന്ന് ​ക​ണ്ടെ​ത്താ​നാ​വാ​തെ​ ​പ്ര​ത്യേ​ക​ ​അ​ന്വേ​ഷ​ണ​ ​സം​ഘം.​ ​ബെ​ല്ലാ​രി​യി​ലെ​ ​ഗോ​വ​ർ​ദ്ധ​ന്റെ​ ​ജൂ​വ​ല​റി​യി​ൽ​ ​നി​ന്ന് 470​ ​ഗ്രാം​ ​സ്വ​ർ​ണം​ ​പി​ടി​ച്ചെ​ടു​ത്തെ​ങ്കി​ലും​ ​ഇ​ത് ​ശ​ബ​രി​മ​ല​യി​ൽ​ ​നി​ന്ന് ​ന​ഷ്ട​മാ​യ​ത​ല്ല.​ ​സ്വ​ർ​ണം​ ​ക​ണ്ടെ​ത്താ​നാ​യി​ല്ലെ​ങ്കി​ൽ​ ​കേ​സ് ​ദു​ർ​ബ​ല​മാ​വും.

പാ​ളി​ക​ളി​ൽ​ ​നി​ന്ന് ​സ്വ​ർ​ണം​ ​വേ​ർ​തി​രി​ച്ച​ ​സ്മാ​ർ​ട്ട് ​ക്രി​യേ​ഷ​ൻ​സ് ​സി.​ഇ.​ഒ​ ​പ​ങ്ക​ജ് ​ഭ​ണ്ഡാ​രി​യെ​യും​ ​സ്വ​ർ​ണം​ ​വാ​ങ്ങി​യ​ ​ജൂ​വ​ല​റി​യു​ട​മ​ ​ഗോ​വ​ർ​ദ്ധ​നെ​യും​ ​ചോ​ദ്യം​ചെ​യ്ത് ​സ്വ​ർ​ണ​മെ​വി​ടെ​യെ​ന്ന് ​ക​ണ്ടെ​ത്താ​നാ​ണ് ​ശ്ര​മം.​ ​സ്വ​ർ​ണം​ ​വി​ൽ​ക്കു​ന്ന​തി​ന് ​ഇ​ട​നി​ല​ക്കാ​ര​നാ​യ​ ​ക​ൽ​പ്പേ​ഷി​നെ​യും​ ​പി​ടി​കൂ​ടും.​ ​സ്വ​ർ​ണ​ക്കൊ​ള്ള​യു​ടെ​ ​ഗൂ​ഢാ​ലോ​ച​ന​യി​ലും​ ​ഇ​വ​ർ​ക്ക് ​പ്ര​ധാ​ന​ ​പ​ങ്കു​ണ്ട്.

ശ​ബ​രി​മ​ല​യി​ലെ​ ​ഉ​പ​ക്ഷേ​ത്ര​ങ്ങ​ളാ​യ​ ​ക​ന്നി​മൂ​ല​ ​ഗ​ണ​പ​തി,​ ​നാ​ഗ​രാ​ജ​ക്ഷേ​ത്രം,​ ​മാ​ളി​ക​പ്പു​റം​ ​എ​ന്നി​വി​ട​ങ്ങ​ളി​ലെ​ ​മേ​ൽ​ക്കൂ​ര​ക​ൾ​ 2009​ൽ​ ​സ്മാ​ർ​ട്ട് ​ക്രി​യേ​ഷ​ൻ​സ് ​സ്വ​ർ​ണം​ ​പൂ​ശി​ ​ന​ൽ​കി​യി​രു​ന്നു.​ 1998​ൽ​ ​സ്വ​ർ​ണം​ ​പൂ​ശി​യ​ ​ഗ​ണ​പ​തി​ ​ക്ഷേ​ത്ര​ത്തി​ന്റേ​യും​ ​നാ​ഗ​രാ​ജ​ ​ക്ഷേ​ത്ര​ത്തി​ന്റേ​യും​ ​ക​ല​ശ​ങ്ങ​ൾ​ക്ക് ​എ​ന്തു​ ​സം​ഭ​വി​ച്ചു​വെ​ന്ന​ ​സം​ശ​യം​ ​ഇ​തോ​ടെ​ ​ശ​ക്ത​മാ​യി.

പോ​റ്റി​ക്ക് ​ഒ​ന്ന​ര​ക്കോ​ടി​ ​ന​ൽ​കി
സ്വ​ർ​ണം​ ​വാ​ങ്ങു​ന്ന​തി​ന് ​മു​മ്പേ​ ​പ​ല​ ​ഘ​ട്ട​ങ്ങ​ളി​ലാ​യി​ ​ഒ​ന്ന​ര​ക്കോ​ടി​ ​രൂ​പ​ ​ശ​ബ​രി​മ​ല​യി​ലെ​ ​സ്പോ​ൺ​സ​ർ​ഷി​പ്പി​നും​ ​മ​റ്റു​മാ​യി​ ​പോ​റ്റി​ക്ക് ​ഗോ​വ​ർ​ദ്ധ​ൻ​ ​ന​ൽ​കി​യി​ട്ടു​ണ്ട്.​ ​സ്വ​ർ​ണം​ ​വാ​ങ്ങി​യ​ശേ​ഷം​ 15​ ​ല​ക്ഷം​ ​ന​ൽ​കി.​ ​ശ​ബ​രി​മ​ല​ ​സ്വ​ർ​ണ​മാ​ണെ​ന്ന് ​അ​റി​ഞ്ഞ​പ്പോ​ൾ​ ​മാ​ന​സി​ക​ ​വി​ഷ​മ​മു​ണ്ടാ​യെ​ന്നും​ ​പ്രാ​യ​ശ്ചി​ത്ത​ത്തി​നാ​യി​ 10​ ​ല​ക്ഷം​ ​രൂ​പ​യു​ടെ​ ​ഡി​ഡി​യെ​ടു​ത്ത് ​അ​ന്ന​ദാ​ന​ത്തി​നാ​യി​ ​പോ​റ്റി​ക്ക് ​കൈ​മാ​റി​യെ​ന്നും​ ​ഗോ​വ​ർ​ദ്ധ​ൻ​ ​മൊ​ഴി​ ​ന​ൽ​കി​യി​ട്ടു​ണ്ട്.​ ​മാ​ളി​ക​പ്പു​റ​ത്ത് ​സ​മ​ർ​പ്പി​ക്കാ​ൻ​ 10​ ​പ​വ​ൻ​ ​സ്വ​ർ​ണ​മാ​ല​യും​ ​പോ​റ്റി​യു​ടെ​ ​കൈ​വ​ശം​ ​കൊ​ടു​ത്ത​യ​ച്ചെ​ന്നും​ ​മൊ​ഴി​യി​ലു​ണ്ട്.