ശബരിമല കൊടിമര പുനർ നിർമ്മാണം:  സ്വർണം നൽകിയെന്ന് മൊഴി

തിരുവനന്തപുരം: ശബരിമലയിലെ കൊടിമര പുനർനിർമ്മാണവുമായി ബന്ധപ്പെട്ട് സിനിമാ സംവിധായകൻ ഷാജി കൈലാസ്, തിരക്കഥാകൃത്ത് രഞ്ജി പണിക്കർ, നിർമ്മാതാവ് സുരേഷ് കുമാർ എന്നിവർ വിജിലൻസിന് മൊഴി നൽകി. നാണയമായി സ്വർണം നൽകിയെന്നാണ് മൊഴി. അഭിഭാഷക കമ്മിഷനായിരുന്ന എ.എസ്.പി കുറുപ്പിനെ സ്വർണം ഏൽപ്പിച്ചു. നൽകിയ സ്വർണത്തിന്റെ കണക്കും ഇവർ വെളിപ്പെടുത്തി.

സ്വർണം സംഭാവന നൽകിയതിൽ മൊഴി നൽകാൻ തയ്യാറാണെന്ന് മോഹൻലാലും കേന്ദ്ര മന്ത്രി സുരേഷ് ഗോപിയും വിജിലൻസിനെ അറിയിച്ചു. ഇവരുടെ മൊഴി ഈയാഴ്ച രേഖപ്പെടുത്തും.