ന്യൂനപക്ഷ സ്‌കോളർഷിപ്പ് , പട്ടിക വികസന പദ്ധതികൾ പകുതിയാക്കി വെട്ടിക്കുറച്ചു

തിരുവനന്തപുരം: ന്യൂനപക്ഷ വിഭാഗങ്ങളിലെ വിദ്യാർത്ഥികൾക്കുള്ള സ്‌കോളർഷിപ്പ് പകുതിയാക്കി വെട്ടിക്കുറച്ചു. സാമ്പത്തിക പ്രതിസന്ധി കാരണം പദ്ധതികൾ 50% വെട്ടിയതിന്റെ ഭാഗമായാണിത്. പ്രൊഫ. ജോസഫ് മുണ്ടശേരി സ്‌കോളർഷിപ്പ്, സിവിൽ സർവീസസ് ഫീസ് റീ ഇമ്പേഴ്‌സ്മെന്റ്, വിദേശത്തു പഠിക്കാനുള്ള സ്‌കോളർഷിപ്പ്, മദർതെരേസ സ്‌കോളർഷിപ്പ് എന്നിവയിലടക്കം വെട്ടിക്കുറവുണ്ട്. തുക 50 ശതമാനം വെട്ടിക്കുറയ്ക്കുന്നതോടെ അത്രയും വിദ്യാർത്ഥികളെ സ്‌കോളർഷിപ്പിൽ നിന്ന് ഒഴിവാക്കും.

പട്ടികജാതി വകുപ്പിന്റെ പദ്ധതികൾ 60ശതമാനം വരെ വെട്ടിക്കുറച്ചിട്ടുണ്ട്. വിദ്യാഭ്യാസ സഹായ പദ്ധതി, ലൈഫ് മിഷനിൽ വീടും ഭൂമിയും നൽകുന്ന പദ്ധതി തുടങ്ങിയവയിലെ വിഹിതമാണ് കുറച്ചത്. ലൈഫ് ഭവനപദ്ധതിക്ക് 300കോടി വകയിരുത്തിയത് 120കോടിയാക്കി. ഭാഗികമായി നിർമ്മിച്ച വീടുകൾ പൂർത്തിയാക്കാൻ 222.06കോടി വകയിരുത്തിയിരുന്നത് 173.06കോടിയാക്കി. വീടുവയ്ക്കാൻ ഭൂമിവാങ്ങാൻ സഹായം നൽകുന്ന 170കോടിയുടെ വിഹിതം 70.25കോടിയാക്കി. പട്ടികജാതി പെൺകുട്ടികളുടെ വിദ്യാഭ്യാസം, സാമൂഹിക നിലവാരം എന്നിവ മെച്ചപ്പെടുത്തുന്നതിനുള്ള ഇൻഷ്വറൻസ് പദ്ധതിയായ വാൽസല്യ നിധിക്ക് 10 കോടി വകയിരുത്തിയെങ്കിലും ഒരു രൂപ പോലും കൊടുത്തിട്ടില്ല.

ന്യൂ​ന​പ​ക്ഷ​ ​സ്കോ​ള​ർ​ഷി​പ്പ്
പു​നഃ​സ്ഥാ​പി​ക്ക​ണം​:​ ​സ​തീ​ശൻ

തി​രു​വ​ന​ന്ത​പു​രം​:​ ​വെ​ട്ടി​ക്കു​റ​ച്ച​ ​ന്യൂ​ന​പ​ക്ഷ​ ​സ്കോ​ള​ർ​ഷി​പ്പ് ​പു​നഃ​സ്ഥാ​പി​ക്ക​ണ​മെ​ന്ന് ​പ്ര​തി​പ​ക്ഷ​ ​നേ​താ​വ് ​വി.​ഡി.​ ​സ​തീ​ശ​ൻ.​ ​സ്‌​കോ​ള​ർ​ഷി​പ്പ് ​തു​ക​ ​പൂ​ർ​ണ​മാ​യും​ ​വി​ത​ര​ണം​ ​ചെ​യ്യ​ണം.​ ​സ​ർ​ക്കാ​ർ​ ​നി​ഷേ​ധാ​ത്മ​ക​ ​നി​ല​പാ​ട് ​തു​ട​ർ​ന്നാ​ൽ​ ​നി​യ​മ​സ​ഭ​യി​ലും​ ​പു​റ​ത്തും​ ​പ്ര​ക്ഷോ​ഭം​ ​ആ​രം​ഭി​ക്കു​മെ​ന്നും​ ​അ​ദ്ദേ​ഹം​ ​പ്ര​സ്താ​വി​ച്ചു.​ ​സാ​മ്പ​ത്തി​ക​ ​പ്ര​തി​സ​ന്ധി​യു​ടെ​ ​പേ​രി​ൽ​ ​ന്യൂ​ന​പ​ക്ഷ​ ​വി​ദ്യാ​ർ​ത്ഥി​ക​ളു​ടെ​ ​സ്‌​കോ​ള​ർ​ഷി​പ്പ് ​വെ​ട്ടി​ക്കു​റ​യ്ക്കു​ന്ന​ത് ​കേ​ട്ടു​കേ​ൾ​വി​യി​ല്ലാ​ത്ത​താ​ണ്.​ ​ജോ​സ​ഫ് ​മു​ണ്ട​ശ്ശേ​രി​ ​സ്‌​കോ​ള​ർ​ഷി​പ്പി​ൽ​ 2.62​കോ​ടി​യും​ ​വി​ദേ​ശ​ ​സ്‌​കോ​ള​ർ​ഷി​പ്പി​ക​ളി​ൽ​ 85​ ​ല​ക്ഷ​വും​ ​എ.​പി.​ജെ​ ​അ​ബ്ദു​ൾ​ ​ക​ലാം​ ​സ്‌​കോ​ള​ർ​ഷി​പ്പ് 41​ ​ല​ക്ഷ​വു​മാ​ണ് ​വെ​ട്ടി​യ​ത്.​ ​സം​സ്ഥാ​ന​ത്ത് ​സാ​മ്പ​ത്തി​ക​ ​പ്ര​തി​സ​ന്ധി​യി​ല്ലെ​ന്ന് ​ധ​ന​മ​ന്ത്രി​ ​ആ​വ​ർ​ത്തി​ക്കു​മ്പോ​ഴാ​ണ് ​പാ​വ​പ്പെ​ട്ട​ ​വി​ദ്യാ​ർ​ത്ഥി​ക​ളു​ടെ​ ​സ്‌​കോ​ള​ർ​ഷി​പ്പി​ലും​ ​സ​ർ​ക്കാ​ർ​ ​കൈ​വ​ച്ച​ത്.​ ​സ​ർ​ക്കാ​ർ​ ​ആ​രു​ടെ​ ​കൂ​ടെ​യാ​ണെ​ന്നും​ ​അ​ദ്ദേ​ഹം​ ​ചോ​ദി​ച്ചു.