സ്കൂൾ പ്രവേശനത്തിന് അടുത്ത വർഷം മുതൽ ടി.സി നിർബന്ധം

തിരുവനന്തപുരം: അംഗീകാരമില്ലാത്ത സ്‌കൂളുകളിൽ പഠിക്കുന്ന കുട്ടികളെ ടി.സി ഇല്ലാതെ അംഗീകാരമുള്ള സ്‌കൂളുകളിൽ ചേരാൻ അടുത്ത അദ്ധ്യയനവർഷം മുതൽ അനുവദിക്കില്ല. പ്രത്യേക സാഹചര്യം പരിഗണിച്ചാണ് ഈ വർഷം ടി.സി ഇല്ലാതെ അംഗീകാരമുള്ള സ്‌കൂളുകളിൽ ചേരാൻ അനുമതി നൽകിയത്. കേന്ദ്ര വിദ്യാഭ്യാസ അവകാശ നിയമത്തിൽ അംഗീകാരമില്ലാത്ത സ്‌കൂളുകൾ പ്രവർത്തിക്കാൻ പാടില്ലെന്ന് വ്യവസ്ഥചെയ്യുന്നുണ്ട്. എന്നാൽ സംസ്ഥാനത്ത് ഇപ്പോഴും അംഗീകാരമില്ലാത്ത സ്‌കൂളുകൾ പ്രവർത്തിക്കുന്നുണ്ട്.