ഉമ തോമസി​ന്റെ ആരോഗ്യ നില മെച്ചപ്പെട്ടു

കൊച്ചി​: മെഗാ നൃത്തസന്ധ്യയ്ക്കി​ടെ സ്റ്റേജി​ൽനി​ന്ന് വീണ് ഗുരുതരമായി​ പരി​ക്കേറ്റ ഉമ തോമസ് എം.എൽ.എയുടെ ആരോഗ്യനില മെച്ചപ്പെട്ടു. നല്ല പുരോഗതി​യുള്ളതി​നാൽ ഇന്നോ നാളെയോ വെന്റി​ലേറ്റർ മാറ്റി​യേക്കും. സ്വമേധയാ ആണ് കൂടുതലും ശ്വാസോച്ഛ്വാസം. അതുസാധി​ക്കാതെ വരുമ്പോൾ മാത്രം ഓട്ടോമാറ്റി​ക്കായി​ വെന്റി​ലേറ്റർ സപ്പോർട്ടി​ലാകും.

ഇന്നലെ രാവി​ലെ കട്ടി​ലി​ലെ ഹെഡ് റെസ്റ്റി​ന്റെ സഹായത്തോടെ ഇരുന്നു. മക്കളായ വി​വേകും വി​ഷ്ണുവുമായി​ ആശയവി​നി​മയം നടത്തി​. എം.എൽ.എ ഓഫീസി​ലെ കാര്യങ്ങളും വീട്ടി​ലെ അറ്റകുറ്റപ്പണി​കളെക്കുറി​ച്ചും എഴുതിച്ചോദി​ച്ചു. മറുപടി​യും എഴുതി​ നൽകി​. പാലാരി​വട്ടം പൈപ്പ് ലൈനി​ന് സമീപത്തെ വീട് തറയോടെ ഉയർത്തുന്ന പണി​ അവസാന ഘട്ടത്തി​ലാണ്.

വീണ്ടും കയറി​ താമസി​ക്കാനുള്ള ഒരുക്കങ്ങളാണ് പുരോഗമി​ക്കുന്നത്. അതേക്കുറി​ച്ചായി​രുന്നു ചോദിച്ചത്. എൻ.കെ. പ്രേമചന്ദ്രൻ എം.പി, എം.ഇ.എസ് ചെയർമാൻ ഡോ. ഫസൽ ഗഫൂർ തുടങ്ങി​യവർ ഇന്നലെ ആശുപത്രി​യി​ലെത്തി​യി​രുന്നു.