പല്ലുകൾ പാൽപോലെ വെളുക്കും; സൂത്രം അടുക്കളയിൽ തന്നെ, ഈ സാധനങ്ങൾ മാത്രം മതി

ഒരാളുടെ ആത്മവിശ്വാസത്തിന്റെ പ്രധാന ഘടകങ്ങളിലൊന്നാണ് അവരുടെ പല്ലുകൾ. പല്ലുകളിലുണ്ടാകുന്ന പ്രശ്നങ്ങൾ പലപ്പോഴും നമ്മുടെ ചിരിക്കുന്നതിനുള്ള ആത്മവിശ്വാസത്തെ കുറയ്ക്കും. പല്ലുകളിലെ നിറവ്യത്യാസം പലരെയും അലട്ടുന്ന പ്രശനങ്ങളിലൊന്നാണ്. എന്നും വൃത്തിയായി പല്ലുതേയ്ക്കുന്നതിനൊപ്പം ചില പൊടിക്കൈകൾ കൂടി ചെയ്താൽ പല്ല് മുത്തുപോലെ തിളങ്ങും.

പണച്ചെലവില്ലാതെ വീട്ടിലെ സാധനങ്ങൾ ഉപയോഗിച്ചുതന്നെ ഈ പ്രശ്നത്തിന് പരിഹാരം കണ്ടെത്താൻ സാധിക്കും. ആഹാര പദാർത്ഥങ്ങളുടെയും ചായ, കാപ്പി എന്നിവയുടെയും കറകളാണ് മിക്കപ്പോഴും പല്ലുകളിൽ പറ്റിപിടിച്ചിരിക്കുന്നത്. ഇത് നീക്കം ചെയ്ത് മിനിറ്റുകൾക്കുള്ളിൽ വെട്ടിത്തിളങ്ങുന്ന പല്ലുകൾ സ്വന്തമാക്കാനുള്ള എളുപ്പവഴികൾ അടുക്കളയിൽ തന്നെയുണ്ട്.

• വെളിച്ചെണ്ണ: ഒരു ടേബിൾ സ്പൂൺ വെളിച്ചെണ്ണ എടുത്ത് കുറച്ചുനേരം വായിൽ പിടിക്കുക. ശേഷം ചെറുചൂടുവെള്ളം കൊണ്ട് വായ് കഴുകുക
• മഞ്ഞൾപ്പൊടി: മഞ്ഞൾപ്പൊടി അല്പം വെള്ളം ചേർത്ത് പേസ്റ്റ് പോലെയാക്കി പല്ലിൽ പുരട്ടുക. മൂന്ന് മിനിറ്റിന് ശേഷം വായ് നന്നായി കഴുകുക
• തുളസിയില: ഉണക്കിയ തുളസിയിലപ്പൊടി ഉപയോഗിച്ച് പല്ലുതേയ്ക്കുന്നത് പല്ലിന്റെ മഞ്ഞനിറം അകറ്റാൻ നല്ലതാണ്.
• ബേക്കിംഗ് സോഡയും നാരങ്ങയും: അല്പം ബേക്കിംഗ് സോഡയിൽ കുറച്ച് നാരങ്ങാനീര് ചേർത്ത് യോജിപ്പിച്ച് പല്ലുകളിൽ മൃദുവായി തേയ്ക്കുക. പെട്ടെന്ന് കഴുകിക്കളയുക.

(ശ്രദ്ധിക്കുക: ബേക്കിംഗ് സോഡ പോലുള്ളവ അധികമായി ഉപയോഗിച്ചാൽ പല്ലിന്റെ പുറംഭാഗത്തെ ഇനാമൽ തേഞ്ഞുപോകാൻ ഇടയാക്കും.)