എന്റെ കേരളമേ

സുരഭില സുമദള കേരളമേ
മാമല നാടിൻ താരകമേ
പുഴവിരൽ തഴുകും കേരളമേ
കിളികുലമുണരും ആരാമമേ..

മലയാളത്തിൻ പാദസ്വരത്തിൽ
നമ്മുടെയാകെ പ്രാണനുണർന്നു
ഇളനീർ മധുരം കിനിയും നാട്ടിൽ
ഇളവെയിൽ തുമ്പികൾ പാറി നടന്നു

തേനൂറുന്നൊരു ഭാഷയിലിന്ന്
വള്ളംകളിയുടെ ശീല്​ നിറഞ്ഞു
ആർപ്പോ വിളിയിൽ നെഞ്ച് കവിഞ്ഞു
കേരള സംസ്‌കൃതി ആകെ ഉണർന്നു

മഴു എറിഞ്ഞാവോളം ഉയിരു നൽകി
പരശുരാമക്കഥ ഓർമ്മയിലെത്തി
കഥയുടെ കതിരവൻ എന്നെന്നും
ഐതിഹ്യ മലകളിൽ ഉദിച്ചിടുന്നു.