SignIn
Kerala Kaumudi Online
Wednesday, 03 June 2020 1.09 PM IST

'പാവം സ്ത്രീയാണ് താരച്ചേച്ചി, അവരെ ഒക്കെ വിടൂ, ഞങ്ങൾ ഒക്കെ ഇല്ലേ നിങ്ങൾക്ക്': താര കല്ല്യാണിന്റെ വീഡിയോയ്ക്ക് പ്രതികരണവുമായി നടൻ

tara-kalyan

സോഷ്യൽ മീഡിയയിൽ തനിക്കെതിരെ നടക്കുന്ന മോശം പ്രചാരണത്തിനെതിരെ നടിയും നർത്തകിയുമായ താര കല്ല്യാൺ വികാരപരമായി പ്രതികരിച്ചത് വാർത്തയായിരുന്നു. താരയുടെ മകളായ സൗഭാഗ്യയുടെ വിവാഹ വേളയിൽ പകർത്തിയ ഒരു വീഡിയോ അശ്ലീലമായ രീതിയിൽ പ്രചരിപ്പിച്ച ഒരാൾക്കെതിരെയാണ് നടി സോഷ്യൽ മീഡിയയിലൂടെ പ്രതികരിച്ചത്. ഇപ്പോൾ താര കല്ല്യാണിനു പിന്തുണയുമായി നടൻ ആദിത്യൻ ജയൻ രംഗത്തെത്തിയിരിക്കുകയാണ്. ഒറ്റയ്ക്ക് നിന്നുകൊണ്ട് മകളുടെ വിവാഹം നടത്തിയ ആളാണ് താര കല്ല്യാണെന്നും അവരുടെ കണ്ണീരിന് വില ആരായാലും വില നൽകേണ്ടി വരുമെന്നും അത് ഉറപ്പുള്ള കാര്യമാണെന്നും ആദിത്യൻ ജയൻ പറഞ്ഞു. ഫേസ്ബുക്ക് കുറിപ്പിലൂടെയാണ് നടൻ താര കല്യാണിനുള്ള തന്റെ പിന്തുണ അറിയിച്ചത്.

ആദിത്യൻ ജയന്റെ ഫേസ്ബുക്ക് കുറിപ്പിന്റെ പൂർണരൂപം:

'ഒരു ഭർത്താവിന്റെ കൂട്ടില്ലാതെ ഒരു പെൺകുട്ടിയുടെ കല്യാണം നടത്തിയ ഒരു അമ്മയെ ഞാനും കണ്ടിട്ടുണ്ട്. വേറെ ആരുമല്ല എന്റെ അമ്മ. പക്ഷേ അന്ന് എന്റെ അമ്മയ്‌ക്കൊപ്പം ഞാൻ ഉണ്ടായിരുന്നു. ഒറ്റയ്ക്ക് നിന്ന് ഒരു മകളുടെ കല്യാണം നടത്തിയ ഒരു അമ്മയാണ് താരച്ചേച്ചി. ദിവസങ്ങൾ ആകുംമുന്നേ അവരുടെ കണ്ണുനീർ കാണാൻ ആർക്കാണ് സുഹൃത്തേ ഇത്ര ആഗ്രഹം.

അത്രയും പാവം സ്ത്രീയാണ് താരച്ചേച്ചി. സമൂഹമാദ്ധ്യമം നല്ലതാണ്, നല്ല കാര്യത്തിന്. അവർ ജീവിക്കട്ടെ. അവരെ ഒക്കെ വിടൂ. ഞങ്ങൾ ഒക്കെ ഇല്ലേ നിങ്ങൾക്ക്. അവരെ വിടൂ. ഒരു പാവം സ്ത്രീ, ഒരു പാവം അമ്മ. അന്തസ്സായി മകളെയും നോക്കി ജീവിക്കുന്ന ഒരു സ്ത്രീയെ നിങ്ങൾ വേണ്ടേ ഈ സമൂഹത്തിൽ പിന്തുണയ്ക്കാൻ. ഓരോ ദിവസവും പുതിയ ഇരകൾക്ക് വേണ്ടി ഓട്ടം നിർത്തൂ സുഹൃത്തുക്കളെ. ജീവിക്കട്ടെ ആ അമ്മയും മകളും. ആര് ചെയ്താലും അവരുടെ കണ്ണുനീരിന് വിലനൽകേണ്ടി വരും. ഉറപ്പാണ്. '

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: ADITYAN JAYAN, TARA KALYAN, KERALA, CINEMA, TIK TOK, THARA KALYAN, THARAKALYAN DAUGHTER MARRIAGE, FACEBOOK
KERALA KAUMUDI EPAPER
TRENDING IN CINEMA
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.