കുളവിക്കൂട് തീവച്ച് നശിപ്പിച്ചു

പൊൻകുന്നം : പാട്ടുപാറയിൽ ആഞ്ഞിലിമരത്തിൽ പ്രദേശവാസികൾക്ക് ഭീഷണിയായിരുന്ന കുളവിക്കൂട് തീവച്ച് നശിപ്പിച്ചു. കൊച്ചോടയ്ക്കൽ നോബിയുടെ പറമ്പിലെ മരത്തിലായിരുന്നു മാസങ്ങളായി കുളവിക്കൂടുണ്ടായിരുന്നത്. സമീപവാസികൾക്ക് കുളവികളുടെ കുത്തേറ്റതോടെയാണ് നശിപ്പിക്കാൻ തീരുമാനിച്ചത്. പത്രം ഏജന്റുകൂടിയായ പാട്ടുപാറ പി.എൻ.പ്രസന്നനാണ് സാഹസികമായി കുളവിക്കൂട് രാത്രി തീവച്ച് നശിപ്പിച്ചത്.