ധനലാഭം, സ്‌ത്രീകൾ മുഖേന സന്തോഷം; ഈ നക്ഷത്രക്കാരുടെ ശത്രുക്കൾക്ക് ഇനി കഷ്‌ടകാലം

2026 ജൂലൈ 1 മിഥുനം 17 ബുധനാഴ്ച.

( 1 നാഴിക 41 വിനാഴിക വരെ പൂരാടം നക്ഷത്രം ശേഷം ഉത്രാടം നക്ഷത്രം )

[ പ്രഥമ തിഥി 3 നാഴിക 39 വിനാഴിക വരെ ]

( രാഹുകാലം 12 മണി മുതൽ 1.30 മണി വരെ )

അശ്വതി: പങ്കാളിയെ സന്തോഷിപ്പിക്കാൻ ശ്രമിക്കും. കുടുംബത്തിൽ സന്തോഷം നിറയും. എന്നാൽ, കച്ചവടക്കാർക്ക് പണത്തിന്റെ കുറവ് നേരിടാം. ആചാര മര്യാദകള്‍ പാലിക്കും, ജന്മനാട്ടിലേക്ക്‌ സ്‌ഥാനമാറ്റം.

ഭരണി: ബന്ധുക്കളിൽ നിന്ന് ധനലാഭം ഉണ്ടാകാം. പിതാവിന് സമ്മാനം വാങ്ങാനും മാതാപിതാക്കളെ തീർത്ഥയാത്രയ്ക്ക് കൊണ്ടുപോകാനും സാദ്ധ്യതയുണ്ട്. സന്താന ഭാഗ്യം, ധനസമൃദ്ധി, അഭിമാനകരമായ സംഗതികള്‍ ഉണ്ടാകും.

കാര്‍ത്തിക: തൊഴിൽ സംബന്ധമായ യാത്രകൾ ഗുണം ചെയ്യും. കൂട്ടുകാരുടെ സഹായത്തോടെ മുടങ്ങിയ ഇടപാടുകൾ പൂർത്തിയാക്കാൻ സാദ്ധ്യതയുണ്ട്. ഉദ്യോഗതലത്തില്‍ ശോഭിക്കും, ഭൂമി ക്രയവിക്രയങ്ങള്‍ നടക്കും.

രോഹിണി: പുതിയ കോഴ്‌സുകളിൽ ചേരാൻ ആഗ്രഹിക്കുന്ന വിദ്യാർത്ഥികൾക്ക് നല്ല ദിവസമായിരിക്കും. ഉപദേശം നൽകുമ്പോൾ ശ്രദ്ധിക്കുക. യുവതീയുവാക്കളുടെ വിവാഹ കാര്യങ്ങളില്‍ തീരുമാനം, പ്രതിസന്ധികളില്‍ തളരാതെ പ്രവര്‍ത്തിക്കും.

മകയിരം: സംസാരത്തിലും ദേഷ്യത്തിലും നിയന്ത്രണം പാലിക്കണം. ചില കാര്യങ്ങളിൽ നിരാശ തോന്നാമെങ്കിലും ആത്മവിശ്വാസം കൈവിടരുത്. ദുര്‍വാശി മൂലം ദുരിതം, ഏതുകാര്യവും ദീര്‍ഘദൃഷ്‌ടിയോടെ ചെയ്യുക. ബന്ധുക്കളുമായി ചെറിയ പ്രശ്‌നങ്ങൾ ഉണ്ടാകാം.

തിരുവാതിര: അമ്മയുമായി അഭിപ്രായവ്യത്യാസങ്ങൾ ഉണ്ടാകാം, ദേഷ്യം നിയന്ത്രിക്കണം. കുട്ടികളുടെ ഭാവിയെക്കുറിച്ച് ആശങ്ക തോന്നാം. കര്‍മ്മ രംഗത്ത് പ്രതിസന്ധി, ഏറ്റെടുത്ത കാര്യങ്ങള്‍ പൂര്‍ത്തീകരിക്കാന്‍ വിഷമിക്കും.

പുണര്‍തം: ആരോഗ്യ കാര്യങ്ങളിൽ ശ്രദ്ധിക്കണം. പുറത്തുനിന്നുള്ള ഭക്ഷണം ഒഴിവാക്കുക. കുടുംബത്തിൽ ചെറിയ പ്രശ്നങ്ങൾ ഉണ്ടാകാം, സംയമനം പാലിച്ചാൽ പരിഹരിക്കാം. ചിട്ടി ബാങ്ക് എന്നിവ മുഖേനെ പ്രയാസങ്ങള്‍, രോഗസാദ്ധ്യത.

പൂയം: വിദ്യാർത്ഥികൾക്ക് പണത്തിന്റെ കുറവ് നേരിടാം. തൊഴിൽ രംഗത്ത് സാമ്പത്തിക കാര്യങ്ങളിൽ കൂടുതൽ ശ്രദ്ധിക്കേണ്ടി വരും. ആരോഗ്യപരമായി നല്ല ദിവസം, രാഷ്‌ട്രീയ രംഗത്തുള്ളവര്‍ക്കും കലാരംഗത്തുള്ളവര്‍ക്കും സ്ഥാനക്കയറ്റം ലഭിക്കാൻ സാദ്ധ്യതയുണ്ട്.

ആയില്യം: കുടുംബ വഴക്കുകൾ അവസാനിക്കും. സാമൂഹിക രംഗത്ത് അംഗീകാരം ലഭിക്കും. ജീവിത പങ്കാളിയുടെ ആവശ്യങ്ങൾ നിറവേറ്റാൻ ശ്രമിക്കും. ധനസമൃദ്ധി, ദീര്‍ഘദൃഷ്‌ടിയോടെ കാര്യങ്ങള്‍ ചെയ്യും, ഉയര്‍ച്ച കൈവരിക്കാന്‍ സാധിക്കും.

മകം: പ്രണയബന്ധങ്ങളിൽ പുത്തൻ ഉണർവ് ഉണ്ടാകും. വിദേശത്തു നിന്നുള്ള കച്ചവടക്കാർക്ക് അപ്രതീക്ഷിത ധനലാഭം ഉണ്ടാകാം. മുടക്കിയ പണം തിരികെ ലഭിക്കാൻ സാദ്ധ്യതയുണ്ട്. ഉല്ലാസ യാത്ര നടത്തും, വ്യവഹാര വിജയം, സന്തോഷകരമായ അനുഭവങ്ങള്‍.

പൂരം: സന്തോഷ വാർത്തകൾ കേൾക്കാൻ സാധിക്കും. ബന്ധുക്കളിൽ നിന്ന് ബഹുമാനം ലഭിക്കും. വിവാഹാലോചനകൾക്ക് നല്ല പ്രതികരണം ലഭിക്കും. ഗൃഹത്തില്‍ സന്തുഷ്‌ടിയും സ്വസ്ഥതയും, ജീവിത പങ്കാളിയുടെ ആവശ്യങ്ങള്‍ പരിഗണിക്കും.

ഉത്രം: ജോലിഭാരം വർദ്ധിക്കുമെങ്കിലും അവയെല്ലാം കാര്യക്ഷമമായി പൂർത്തിയാക്കും. പങ്കാളിത്ത കച്ചവടത്തിൽ ലാഭം ലഭിക്കും. ദേവാലയ ദര്‍ശന ഭാഗ്യം, വ്യാപാര രംഗത്തുള്ളവര്‍ക്ക് വളരെ നേട്ടം, സര്‍വാഭീഷ്‌ട സിദ്ധി. അത്യാവശ്യ കാര്യങ്ങൾക്ക് പണം ചെലവഴിക്കും.

അത്തം: തൊഴിൽ രംഗത്ത് കൂട്ടുകാരുടെ സഹായത്തിന് മുന്നിട്ടിറങ്ങേണ്ടി വരും. സഹോദരങ്ങളുമായി ചെറിയ പ്രശ്നങ്ങൾ ഉണ്ടാകാം. ദമ്പതികള്‍ തമ്മില്‍ അഭിപ്രായ ഐക്യം, ആപത്തുകളില്‍ നിന്നും മോചനം. മുടങ്ങിയ കാര്യങ്ങൾ പൂർത്തിയാക്കാൻ സാധിക്കും.

ചിത്തിര: മുതിർന്നവരുടെ ഉപദേശം സ്വീകരിക്കുന്നത് ഗുണം ചെയ്യും. വിദ്യാർത്ഥികൾക്ക് പുതിയ കോഴ്‌സുകളിൽ ചേരാൻ നല്ല ദിവസമാണ്. കച്ചവടത്തിന് കടം വാങ്ങുമ്പോൾ ശ്രദ്ധിക്കുക. മംഗളകര്‍മ്മങ്ങള്‍ നടത്തും, ധനാഗമനത്തിന് അനുകൂലമായ സാഹചര്യങ്ങള്‍.

ചോതി: അപ്രതീക്ഷിതമായി പണം ചെലവഴിക്കേണ്ടി വരും. വരുമാനവും ചെലവും തമ്മിൽ ബാലൻസ് ചെയ്യണം. സഹോദരന്റെ ഉപദേശം ഒരു പ്രതിസന്ധിയിൽ നിന്ന് രക്ഷിക്കും. വളരെക്കാലമായി ചിന്തിക്കുന്ന പലതും സാധിക്കും. യാത്രയില്‍ വളരെ കരുതല്‍ വേണം.

വിശാഖം: അത്യാവശ്യ കാര്യങ്ങൾക്ക് ധനം ലഭിക്കില്ല, സർക്കാർ ജോലി ചെയ്യുന്നവർ ശ്രദ്ധിക്കണം. കുട്ടികളുടെ ഭാവിയെക്കുറിച്ച് ആശങ്ക തോന്നാം. ആരോഗ്യകാര്യത്തില്‍ വളരെ ശ്രദ്ധിക്കുക, മറ്റുള്ളവരുടെ വാഗ്ദാനങ്ങളില്‍ പൂര്‍ണവിശ്വാസം അര്‍പ്പിക്കരുത്.

അനിഴം: കച്ചവടത്തിൽ പുതിയ കരാറുകൾ ലഭിക്കും. സാമ്പത്തിക സ്ഥിതിമെച്ചപ്പെടും. ജീവിത പങ്കാളിയുമായി ഷോപ്പിംഗിന് പോകും. ജോലിസ്ഥിരമാകും, മംഗള കര്‍മ്മങ്ങള്‍ക്ക് സാക്ഷിയാകും, വിദ്യാപരമായ മുന്നേറ്റം.

കേട്ട: കച്ചവടത്തിലെ ശത്രുക്കളെ ശ്രദ്ധിക്കണം. പരീക്ഷകളിൽ വിജയിക്കാൻ വിദ്യാർത്ഥികൾ കഠിനാധ്വാനം ചെയ്യണം. വസ്തു സംബന്ധമായ തർക്കങ്ങൾ അവസാനിപ്പിക്കണം, കോടതി കാര്യങ്ങള്‍ നീണ്ടു പോകും, ബന്ധുക്കളില്‍ നിന്നുമുള്ള എതിര്‍പ്പുകള്‍.

മൂലം: വിദേശത്ത് പഠിക്കാൻ ആഗ്രഹിക്കുന്ന വിദ്യാർത്ഥികൾക്ക് ചില തടസങ്ങൾ ഉണ്ടാകാം. പൂർവിക സ്വത്തുമായി ബന്ധപ്പെട്ട കാര്യങ്ങൾ ഇപ്പോൾ മാറ്റിവയ്‌ക്കുന്നതാണ് നല്ലത്. പഠനത്തില്‍ ശ്രദ്ധ കേന്ദ്രീകരിക്കാന്‍ സാധിക്കില്ല, ആലോചനയില്ലാത്ത സംഭാഷണം പലവിധ പ്രയാസങ്ങള്‍ക്ക്‌ വഴിയൊരുക്കും.

പൂരാടം: കുടുംബത്തിൽ അഭിപ്രായവ്യത്യാസങ്ങൾ കാരണം പ്രശ്നങ്ങൾ ഉണ്ടാകാം, എന്നാൽ മുതിർന്നവരുടെ ഇടപെടൽ കാര്യങ്ങൾ ശരിയാകും, കുടുംബത്തില്‍ പലവിധ അസ്വസ്‌ഥതകള്‍ ഉണ്ടാകും, ദുര്‍വാശി ഒഴിവാക്കുക. ദൈനംദിന ആവശ്യങ്ങൾക്കായി കുറച്ച് പണം ചെലവഴിക്കേണ്ടി വരും.

ഉത്രാടം: കുടുംബത്തിലെ മുതിർന്നവരുമായി അഭിപ്രായവ്യത്യാസങ്ങൾ ഉണ്ടാകാം, അതിനാൽ സംസാരത്തിൽ നിയന്ത്രണം പാലിക്കണം. കലഹങ്ങളില്‍ നിന്നൊഴിഞ്ഞു നില്‍ക്കണം, അതീവ ശ്രദ്ധ എല്ലാ കാര്യത്തിലും പാലിക്കുക.

തിരുവോണം: പ്രോപ്പർട്ടി വാങ്ങാൻ ഉദ്ദേശിക്കുന്നുണ്ടെങ്കിൽ രേഖകൾ ശ്രദ്ധയോടെ പരിശോധിക്കണം. പുതിയ സഹപ്രവർത്തകർ ഉണ്ടാകും. തൊഴിൽസ്ഥലത്ത് സഹപ്രവർത്തകരോട് നല്ല രീതിയിൽ പെരുമാറണം. സന്താനസുഖം, സൗന്ദര്യബോധം വര്‍ദ്ധിക്കും, കൂടുതല്‍ പരിശ്രമശീലം.

അവിട്ടം: ബന്ധുക്കളുടെ സഹായത്തോടെ മുടങ്ങിക്കിടന്ന ജോലികൾ പൂർത്തിയാക്കാൻ ശ്രമിക്കും. സന്താനങ്ങളുടെ വളർച്ചയിലൂടെ നല്ല ധനം നേടാം. കലാപരമായ കാര്യങ്ങളില്‍ വിജയം, കുടുംബത്തില്‍ ശാന്തിയും സമാധാനവും.

ചതയം: പങ്കാളിയുമായി പുറത്ത് പോകാൻ സാദ്ധ്യതയുണ്ട്. പുതിയ സാങ്കേതികവിദ്യ ഉപയോഗിച്ച് വ്യാപാരം മെച്ചപ്പെടുത്താം. സാമ്പത്തിക സ്ഥിതി സാധാരണയായിരിക്കും. സ്ഥാനമാനങ്ങളും അധികാരവും ഒന്നുകൂടെ കൂടുതലാകും, വിദേശ നിര്‍മിതമായ വസ്‌തുക്കള്‍ ലഭിക്കും.

പൂരുരുട്ടാതി: കൃഷിയും കച്ചവടവും ലാഭത്തിലാവും. ജനപ്രീതിയും അംഗീകാരവും, ധനലാഭം, മറ്റുള്ളവരെ സഹായിക്കാന്‍ താല്‍പര്യം കാണിക്കും, സ്ത്രീകള്‍ മുഖേനെ സന്തോഷം കിട്ടും. ശത്രുജയം, സന്താനസുഖം, ഏറ്റെടുത്ത ദൗത്യം, പൂര്‍ത്തീകരിക്കും.

ഉത്തൃട്ടാതി: സ്ത്രീകള്‍ വളരെ സ്നേഹത്തോടെയും അനുസരണയോടെയും വര്‍ത്തിക്കും, തൊഴിലില്‍ ഉന്നതി, ബുദ്ധിപരമായി കാര്യങ്ങള്‍ കൈകാര്യം ചെയ്യും, കീര്‍ത്തിയും സമൃദ്ധിയും, സാമ്പത്തിക നേട്ടം, ഉത്തരവാദിത്തങ്ങള്‍ അന്യരെ ഏല്‍പ്പിക്കുന്നത്‌ നന്നല്ല.

രേവതി: പലതരത്തിൽ നിലനിന്നിരുന്ന സാമ്പത്തിക വിഷമതകൾ മാറിക്കിട്ടും കുടുംബത്തില്‍ ഐശ്വര്യം, യാത്രകളില്‍ നിന്നും ഗുണാനുഭങ്ങള്‍. ആശയങ്ങളും ആഗ്രഹങ്ങളും അനുഭവത്തില്‍ വന്നുചേരും, എതിര്‍ലിംഗത്തിലുള്ളവരോട് താല്‍പര്യം കൂടും.