നാലാം ഓണദിവസം നിറയെ പണം കൈവരാൻ പോകുന്നത് ഏത് നാളുകാർക്കെന്നറിയാമോ? ഇഷ്‌ടവാഹനം വാങ്ങാനും ഇതാണ് നല്ല സമയം

റാംസാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇമെയിൽ: samkhiyarathnam@gmail.com

2026 ഓഗസ്റ്റ് 28 ചിങ്ങം 12 വെള്ളിയാഴ്ച.
( 52 നാഴിക 15 വിനാഴിക വരെ ചതയം നക്ഷത്രം ശേഷം പൂരുരുട്ടാതി )

* നാലാം ഓണം.
* ചതയ ദിനം.
* ശ്രീനാരായണ ഗുരു ജയന്തി .
* അയ്യങ്കാളി ജയന്തി .
* ആവണി അവിട്ടം .
* വെളുത്ത വാവ്.

(പൗർണ്ണമി 8 നാഴിക 43 വിനാഴിക വരെ ശേഷം) ( രാഹുകാലം 10.30 മണി മുതൽ 12 മണി വരെ )

അശ്വതി: ധനപരമായ കാര്യങ്ങളിൽ നേട്ടം, അധിക്ഷേപങ്ങളെ നിഷ്പ്രയാസം അതിജീവിക്കാൻ സാധിക്കും, ജന്മനാട്ടിലേക്ക് സ്ഥാനമാറ്റം, മുടങ്ങിക്കിടന്നിരുന്ന പ്രണയം പുനഃരാരംഭിക്കും, വാഹനഭാഗ്യം, ധനലഭ്യത,

ഭരണി: ശത്രുക്കളുടെ ഉപദ്രവം കുറയും, ഉന്നത സ്ഥാന ലഭ്യത, സന്താനങ്ങൾ വഴി നേട്ടങ്ങൾ കൈവരിക്കും, ധനസമൃദ്ധി, കുടുംബ സമാധാനം, ബന്ധുക്കളിൽ നിന്നും സഹായം കിട്ടും, ഈശ്വര ആരാധന നടത്തും.

കാർത്തിക: ചെലവ് വർദ്ധിക്കുമെങ്കിലും വരവും അതിനനുസരിച്ച് ഉണ്ടാകും, വിദേശത്ത് തൊഴിൽ ചെയ്യുന്നവർക്ക് നേട്ടം, ഭൂമിയുടെ ക്രയവിക്രയങ്ങൾ നടക്കും, ധനപരമായി നല്ല സമയം, എതിർക്കുന്നവരെ കീഴ്‌പെടുത്തും.

രോഹിണി: പ്രത്യേകാഭിലാഷങ്ങൾ നടപ്പിലാകും, പ്രതിസന്ധികളിൽ തളരാതെ പ്രവർത്തിക്കും,വ്യവഹാരങ്ങളിൽ ഏർപ്പെട്ടിരിക്കുന്നവർക്ക് വിജയം ഉണ്ടാവും, കുടുംബ കാര്യങ്ങളിൽ മുമ്പില്ലാത്ത കരുതൽ കാണിക്കും.

മകയിരം: സഹോദരരുമായി കലഹം, സ്ത്രീകളുമായി കലഹത്തിന് നിൽക്കരുത്, അയൽക്കാരുമായി കലഹങ്ങൾ ഉണ്ടാകാൻ ഉള്ള എല്ലാ സാഹചര്യവും ഒഴിവാക്കി പോകാൻ ശ്രമിക്കണം, ഏതുകാര്യവും ദീർഘദൃഷ്ടിയോടെ ചെയ്യുക.

തിരുവാതിര: അനാവശ്യമായി പണം ചെലവഴിക്കേണ്ടി വരും, പ്രവർത്തന രംഗത്ത് വളരെ ശ്രദ്ധ വേണം, ഏറ്റെടുത്ത കാര്യങ്ങൾ പൂർത്തീകരിക്കാൻ വിഷമിക്കും, പ്രവർത്തികൾക്ക് അംഗീകാരം കിട്ടില്ല, സ്ത്രീ വിഷയങ്ങളിൽ പെട്ട് കലഹം.

പുണർതം: യാത്രയിൽ ബുദ്ധിമുട്ടുകൾ ഉണ്ടാകാൻ സാദ്ധ്യത, പണം കൈകാര്യം ചെയ്യമ്പോൾ സൂക്ഷ്മത പാലിക്കുക, രോഗസാധ്യത, കർക്കശമായ തീരുമാനങ്ങൾ പിന്നീട് ബുദ്ധിമുട്ട് ഉണ്ടാക്കും, അശുഭകരമായ വാർത്തകൾ ശ്രവിക്കേണ്ടി വരും.

പൂയം: തൊഴിൽപരമായി കഴിവ് പ്രദർശിപ്പിക്കാൻ അവസരം ലഭിക്കും, രാഷ്ട്രീയ രംഗത്ത് ഉള്ളവർക്കും കലാരംഗത്ത് ഉള്ളവർക്കും ധനസമൃദ്ധി ഉണ്ടാകും, മേലുദ്യോഗസ്ഥരുടെ പ്രീതി ലഭിക്കും, മധുരമായി സംസാരിക്കുന്നത് കൊണ്ട് അധികാരികൾ സൗമ്യമായ രീതിയിൽ ഇടപെടും.

ആയില്യം: ശത്രുജയം, അനുകൂലമായ വിവാഹ ബന്ധം കിട്ടും, ദീർഘദൃഷ്ടിയോടെ കാര്യങ്ങൾ ചെയ്യും, തൊഴിലിൽ ഉയർച്ചയും പുത്തനുണർവും ഉണ്ടാകും, എടുത്ത തീരുമാനങ്ങളിൽ ഉറച്ചു നിൽക്കും, രോഗശാന്തി.

മകം: കർമ്മരംഗത്ത് നൂതന സംരംഭങ്ങൾക്ക് തുടക്കം, സന്തോഷകരമായ അനുഭവങ്ങൾ, ദൈവീക ചിന്ത ഉടലെടുക്കും, സ്ത്രീകൾ വഴി സുഖവും സമാധാനവും.

പൂരം: ഗൃഹത്തിൽ സന്തുഷ്ടിയും സ്വസ്ഥതയും, ജീവിതപങ്കാളിയുടെ ആവശ്യങ്ങൾ പരിഗണിക്കും, വിദ്യാർത്ഥികൾക്ക് നല്ലസമയം, സഹോദര സഹായം ലഭിക്കും.

ഉത്രം: വ്യാപാര രംഗത്തുള്ളവർക്ക് വളരെ നേട്ടം, സർവ്വാഭീഷ്ട സിദ്ധി, സംഘടനാപാടവം, ക്ഷമ കാണിക്കും, നയപൂർവ്വം പെരുമാറും.

അത്തം: ജീവിതത്തിൽ നിർണ്ണായകമായ മാറ്റങ്ങൾക്ക് കാരണമാകുന്ന ഒരു അപൂർവ ആത്മബന്ധം ലഭിക്കും, സ്ത്രീവിഷയങ്ങളിൽ അമിതമായ താൽപ്പര്യം കാണിക്കും.

ചിത്തിര: നൂതന സംരംഭങ്ങൾ തുടങ്ങും, ആരോഗ്യ കാര്യത്തിൽ വളരെയേറെ ശ്രദ്ധിക്കണം, ഇഷ്ടമല്ലാത്ത തൊഴിൽ ചെയ്യേണ്ടിവരും, ശത്രുവർദ്ധന ഉണ്ടാകും.

ചോതി: പൊതുജനങ്ങളുമായി നല്ല ബന്ധം സ്ഥാപിച്ചെടുക്കും, വളരെക്കാലമായി ചിന്തിക്കുന്ന പലതും സാധിക്കും, യാത്രയിൽ വളരെ കരുതൽ വേണം.

വിശാഖം: ആരോഗ്യകാര്യത്തിൽ വളരെ ശ്രദ്ധിക്കുക, തൊഴിൽരംഗത്ത് അപ്രതീക്ഷിത തടസങ്ങൾ ഉണ്ടാവും, അംഗീകാരം കൈവിട്ടുപോയ അവസ്ഥ വരും, ശത്രുക്കൾ വർദ്ധിക്കും.

അനിഴം: ഉദ്ദേശിക്കുന്ന രീതിയിൽ കാര്യങ്ങൾ മുന്നോട്ടു നീങ്ങും, സർവ്വ വിധത്തിലുള്ള ഐശ്വര്യങ്ങളും ലഭിക്കും, മുൻകാല സുഹൃത്തുകളെ കണ്ടുമുട്ടും, ആകർഷകമായി പെരുമാറും.

കേട്ട: മുൻകോപം ഉപേക്ഷിക്കുക, ആലോചനയില്ലാത്ത സംഭാഷണം പലവിധ മന:പ്രയാസങ്ങൾക്ക് വഴിയൊരുക്കും, അപകീർത്തിപ്പെടുത്താൻ മറ്റുള്ളവർ ശ്രമിക്കും സൂക്ഷിക്കുക.

മൂലം: വിദ്യാർത്ഥികൾ പഠനത്തിൽ ശ്രദ്ധ കേന്ദ്രീകരിക്കാൻ ശ്രദ്ധിക്കുക, ആരോഗ്യപരമായ കാര്യങ്ങളിൽ ശ്രദ്ധ നൽകുക, സഹോദര സ്ഥാനീയരുമായി കലഹം ഉണ്ടാകാനുള്ള സാദ്ധ്യത കൂടുതലായിരിക്കും.

പൂരാടം: കുടുംബത്തിൽ പലവിധ അസ്വസ്ഥതകൾ ഉണ്ടാകും, എല്ലാ കാര്യത്തിലും പരാജയ സാദ്ധ്യത, ധനത്തിനായി അന്യരെ ആശ്രയിക്കേണ്ടി വരുന്ന അവസ്ഥ സംജാതമാകും.

ഉത്രാടം: വ്യവഹാര വിഷയങ്ങളിൽ മനോദുഃഖം, പൊതു പ്രവർത്തകർക്ക് മാനഹാനിയും പണച്ചെലവും,നിസാരമായി കരുതുന്ന കാര്യങ്ങൾ വല്ലാതെ കുഴക്കും, അതീവ ശ്രദ്ധ എല്ലാ കാര്യത്തിലും പാലിക്കുക.

തിരുവോണം: അംഗീകാരവും ആദരവും ഉണ്ടാകും, ജീവിതത്തിൽ മുന്നേറണമെന്ന മോഹം ജനിക്കും. തൊഴിലിന് ശ്രമിക്കുന്നവർക്ക് അത് സാധിക്കും, ഗൃഹത്തിൽ നിർമ്മാണ പ്രവർത്തനങ്ങൾ നടക്കും.

അവിട്ടം: സന്താനങ്ങളുടെ വിവാഹകാര്യത്തിൽ തീരുമാനമാകും, കുടുംബത്തിൽ ശാന്തിയും സമാധാനവും, കുടുബസമാധാനം, ബന്ധുക്കളിൽ നിന്നും സഹായം കിട്ടും, ഈശ്വരാരാധന നടത്തും.

ചതയം: സർവ്വവിഘ്നങ്ങളും അകലും, വിദേശ നിർമിതമായ വസ്തുക്കൾ സമ്മാനമായി ലഭിക്കും, വിവാഹാദി മംഗള കർമ്മങ്ങളിൽ പങ്കെടുക്കും, ആവേശപൂർവ്വം ജോലികൾ ചെയ്തു തീർക്കും.

പൂരുരുട്ടാതി: യാത്രയിൽ ധനനേട്ടം, ഏറ്റെടുത്ത ദൗത്യം നിർവഹിക്കും, മുതിർന്നവരെ കൊണ്ട് സഹായവും ധനപ്രാപ്തിയും, യാത്രാവിജയം, കുടുംബാഗംങ്ങൾ തമ്മിൽ ചേർച്ചയുണ്ടാകും.

ഉത്രട്ടാതി: അപ്രതീക്ഷിതമായ പല നേട്ടങ്ങൾ ഉണ്ടാകും, ഉത്തരവാദിത്വങ്ങൾ അന്യരെ ഏൽപ്പിക്കുന്നത് നന്നല്ല, ആഗ്രഹങ്ങൾ സഫലമാകും, കീർത്തി ലഭിക്കും, വ്യാപാര ലാഭം, വിദ്യാവിജയം, വാഹനസുഖം.

രേവതി: നൂതന ആശയങ്ങളും ആഗ്രഹങ്ങളും അനുഭവത്തിൽ വന്നുചേരും, സ്ത്രീകൾ കാരണം ഗുണാനുഭവങ്ങൾ, പരിശ്രമ ശീലം കൂടുതൽ ആയിരിക്കും, മറ്റുള്ളവരെ വശ്യമായി സംസാരിച്ചു കീഴ്‌പ്പെടുത്താൻ സാധിക്കും.