വിദ്യാസമുന്നതി- കോച്ചിംഗ് അസിസ്റ്റൻസ് പദ്ധതിയിലേയ്ക്ക് അപേക്ഷ ക്ഷണിച്ചു

കേരളത്തിലെ മുന്നാക്ക, (സംവരണേതര) സമുദായങ്ങളിൽപ്പെടുന്നതും സാമ്പത്തികമായി പിന്നാക്കം നിൽക്കുന്നതുമായ കുടുംബങ്ങളിലെ വിദ്യാർത്ഥികൾക്കും ഉദ്യോഗാർത്ഥിക ൾക്കുമായി കേരള സംസ്ഥാന മുന്നാക്ക സമുദായ ക്ഷേമ കോർപ്പറേഷൻ (സമുന്നതി നടപ്പിലാക്കി വരുന്ന "വിദ്യാസമുന്നതി' കോച്ചിംഗ് അസിസ്റ്റൻസ് (2026-27) പദ്ധതിയിലേക്ക് അപേക്ഷകൾ ക്ഷണിച്ചു.

മെഡിക്കൽ/എഞ്ചിനീയറിംഗ്/നിയമ (LAW) പഠനം / കേന്ദ്ര സർവ്വക (CUET) (ബിരുദം ബിരുദാനന്തര ബിരുദം) എന്നിവയ്ക്കുള്ള പ്രവേശന പഠനം & പരീക്ഷകൾ, സിവിൽ സർവ്വീസസ്, ബാങ്ക്/എസ്.എസ്.സി/പി.എസ്.സി/യു.പി.എസ്.സി/മറ്റിതര മത്സര പരീക്ഷകൾ/ വിവിധ യോഗ്യത നിർണ്ണയ പരീക്ഷകൾ (NET/SET/KTET/CTET... etc) തുടങ്ങിയ പരീക്ഷകൾക്കുള്ള തയ്യാറെടുപ്പിന്റെ പരിശീ ലനത്തിനായുള്ള ധനസഹായമാണ് നൽകുന്നത്.

ഇതോടൊപ്പം സമുന്നതി നടപ്പിലാക്കി വരുന്ന "വിദ്യാസമുന്നതി' മെരിറ്റ് സ്കോളർഷിപ്പ് (2026-27) പദ്ധതിയിലേക്കും അപേക്ഷകൾ ക്ഷണിച്ചിട്ടുണ്ട് വിശദവിവരങ്ങൾക്കും, ഓൺലൈൻ അപേക്ഷ സമർപ്പിക്കുന്നതിനും www.kswcfc.org എന്ന വെബ്സൈറ്റ് സന്ദർശിക്കുക. അപേക്ഷ സമർപ്പിക്കുന്നതിനുള്ള അവസാന തീയതി 07/11/2026 .