ഹേമ കമ്മിറ്റി: സഹകരിക്കാത്തവരുടെ കേസുകൾ എഴുതിതള്ളാൻ സർക്കാർ

ന്യൂഡൽഹി : ജസ്റ്റിസ് ഹേമ കമ്മിറ്റി റിപ്പോർട്ടിന്റെ പശ്ചാത്തലത്തിൽ രൂപീകരിച്ച പ്രത്യേക അന്വേഷണസംഘവുമായി സഹകരിക്കാത്തവരുടെ കേസുകൾ എഴുതിത്തള്ളുമെന്ന്

സുപ്രീംകോടതിയിൽ സൂചന നൽകി സംസ്ഥാന സർക്കാർ. മൊഴി നൽകാൻ പ്രത്യേക അന്വേഷണസംഘം നിർബന്ധിക്കുന്നുവെന്ന് ചൂണ്ടിക്കാട്ടി നടി മാലാ പാർവതിയും,​ വനിതാ മേക്കപ്പ് ആർട്ടിസ്റ്റും സമർപ്പിച്ച ഹർജികൾ പരിഗണിക്കവെയാണിത്.

സാക്ഷികൾ നിസഹകരിച്ചാലും, തെളിവില്ലെങ്കിലും ഭാരതീയ നാഗരിക് സുരക്ഷാ സംഹിത പ്രകാരം നടപടിയെടുക്കാമെന്ന് ഹൈക്കോടതി പറ‌ഞ്ഞിട്ടുണ്ടെന്ന് സർക്കാരിന് വേണ്ടി ഹാജരായ മുൻ സോളിസിറ്റർ ജനറൽ രഞ്ജിത് കുമാർ അറിയിച്ചു. കേസുമായി മുന്നോട്ടുപോകാൻ ഇരകൾക്ക് താത്പര്യമില്ലെങ്കിലും കുറ്റവാളികൾ രക്ഷപ്പെട്ടു പോകുന്നത് അനുവദിക്കാനാകില്ലെന്ന നിലപാടാണ് സത്യവാങ്മൂലത്തിൽ നേരത്തെ സർക്കാർ അറിയിച്ചിരുന്നത്.

അന്വേഷണവുമായി മുന്നോട്ടു പോകാൻ പ്രത്യേക അന്വേഷണസംഘത്തെ അനുവദിക്കണമെന്ന് സംസ്ഥാന വനിതാ കമ്മിഷനും, വിമൻ ഇൻ സിനിമ കളക്‌ടീവും (ഡബ്ല്യു.സി.സി)​ ആവശ്യപ്പെട്ടു. റിപ്പോർട്ടിലെ ഇരകളുടെ മൊഴിയിൽ കേസെടുക്കണമെന്ന കേരള ഹൈക്കോടതി ഉത്തരവിനെതിരെ നി‌ർമ്മാതാവ് സജിമോൻ പാറയിൽ സമർപ്പിച്ച ഹർജിയിൽ അടക്കം ഡിസംബർ 19ന് വിശദമായി വാദം കേൾക്കും. നിലവിലെ അന്വേഷണങ്ങൾ സ്റ്റേ ചെയ്യണമെന്ന ആവശ്യവും അന്ന് പരിഗണിക്കാമെന്ന് ജസ്റ്റിസുമാരായ വിക്രംനാഥ്, പ്രസന്ന ബി.വരാലെ എന്നിവരടങ്ങിയ ബെഞ്ച് വ്യക്തമാക്കി.

 നിർബന്ധിക്കേണ്ട

മൊഴി നൽകാൻ താത്പര്യമില്ലാത്തവരെ നിർബന്ധിക്കേണ്ടതില്ലെന്ന് സുപ്രീംകോടതി വ്യക്തമാക്കി. കേസ് രജിസ്റ്റർ ചെയ്‌തു കഴിഞ്ഞാൽ, അന്വേഷണവുമായി സഹകരിക്കില്ലെന്ന് എങ്ങനെ പറയാൻ കഴിയുമെന്ന്

വാദത്തിന്റെ ഒരുഘട്ടത്തിൽ

കോടതി ചോദിച്ചിരുന്നു. സംരക്ഷണം വേണം. സ്വകാര്യതയ്‌ക്കാണ് മുൻഗണന. നിങ്ങൾ എന്തു നിലപാടെടുത്താലും ‌ഞങ്ങൾ പ്രോസിക്യൂഷൻ നടപടിയുമായി മുന്നോട്ടു പോകുമെന്ന് പറയാൻ സർക്കാരിന് കഴിയില്ലെന്ന് അഭിഭാഷകൻ കൂട്ടിച്ചേർത്തു.

സി​നി​മാ​ ​രം​ഗ​ത്തെ​ ​ലൈം​ഗി​കാ​തി​ക്ര​മ​ങ്ങ​ൾ​ ​അ​ന്വേ​ഷി​ക്ക​ണ​മെ​ന്ന​ ​ഹ​ർ​ജി​ ​ത​ള്ളി

ന്യൂ​ഡ​ൽ​ഹി​:​ ​ഇ​ന്ത്യ​ൻ​ ​സി​നി​മാ​ ​രം​ഗ​ത്തെ​ ​ലൈം​ഗി​കാ​തി​ക്ര​മ​ങ്ങ​ൾ​ ​അ​ന്വേ​ഷി​ക്ക​ണ​മെ​ന്ന​ ​പൊ​തു​താ​ത്പ​ര്യ​ഹ​ർ​ജി​ ​ഡ​ൽ​ഹി​ ​ഹൈ​ക്കോ​ട​തി​ ​ത​ള്ളി.​ ​ഹേ​മ​ ​ക​മ്മി​റ്റി​ ​റി​പ്പോ​ർ​ട്ടി​ന്റെ​ ​പ​ശ്ചാ​ത്ത​ല​ത്തി​ലാ​ണ് ​മ​ല​യാ​ളി​ ​അ​ഭി​ഭാ​ഷ​ക​നാ​യ​ ​അ​ജീ​ഷ് ​ക​ള​ത്തി​ൽ​ ​ഗോ​പി​ ​ആ​വ​ശ്യ​മു​ന്ന​യി​ച്ച​ത്.​ ​എ​ന്നാ​ൽ​ ​ഇ​ര​യു​ടെ​ ​പ​രാ​തി​യി​ൽ​ ​അ​ല്ലാ​തെ​ ​ഇ​ട​പെ​ടാ​നാ​കി​ല്ലെ​ന്ന് ​ചീ​ഫ് ​ജ​സ്റ്റി​സ് ​വി​ഭു​ ​ബ​ഖ്രു​ ​അ​ദ്ധ്യ​ക്ഷ​നാ​യ​ ​ഡി​വി​ഷ​ൻ​ ​ബെ​ഞ്ച് ​വ്യ​ക്ത​മാ​ക്കി.