രാജ്ഭവന് അതൃപ്തി: സുരക്ഷാ ഉദ്യോഗസ്ഥരെ തിരികെ നിയമിച്ചു

എ.ഡി.ജി.പി മനോജ്എബ്രഹാമിനെ വിളിച്ചുവരുത്തിയില്ലെന്ന് രാജ്ഭവൻ

തിരുവനന്തപുരം: ഗവർണറായി രാജേന്ദ്ര വിശ്വനാഥ്‌ ആർലേക്കർ ചുമതലയേൽക്കും മുൻപേ, ഗവർണറുടെ സുരക്ഷാ സംഘത്തിലുണ്ടായിരുന്ന മൂന്ന് പൊലീസുദ്യോഗസ്ഥരെ മാറ്റിയതിൽ രാജ്ഭവന് അതൃപ്തി. സർക്കാരിന്റെ വിശ്വസ്തരായ മൂന്നുപേരെയാണ് പകരം നിയമിച്ചത്. വിവരങ്ങൾ ചോർത്താൻ ലക്ഷ്യമിട്ടാണ് സ്ഥലംമാറ്റമെന്ന് ആക്ഷേപമുയർന്നതോടെ ഗവർണറുടെ സെക്രട്ടറി വിയോജിപ്പ് അറിയിച്ച് ഡി.ജി.പിയുടെ ചുമതലയുള്ള എ.ഡി.ജി.പി മനോജ് എബ്രഹാമിന് കത്ത് നൽകിയതിന് പിന്നാലെ സ്ഥലംമാറ്റം മരവിപ്പിച്ചു.

ഗവർണർക്കൊപ്പം യാത്രകളിലും ചടങ്ങുകളിലും അനുഗമിച്ചിരുന്ന രണ്ട് ഐസ്.ഐ, ഒരു സീനിയർ സിവിൽ പൊലീസ് ഓഫീസർ എന്നിവരെയാണ് മാറ്റിയത്.

രാജ്ഭവനുമായി ആലോചിക്കാതെ പൊലീസ് ആസ്ഥാനത്തെ എ.ഡി.ജി.പിയുടെ നിർദ്ദേശപ്രകാരമായിരുന്നു സ്ഥലംമാറ്റം. സ്ഥലംമാറ്റിയവരിൽ രണ്ട് ഉദ്യോഗസ്ഥർ താമസിയാതെ വിരമിക്കുന്നവരാണ് . സുരക്ഷാ സംഘത്തിലുള്ളവരുടെ ഫിറ്റ്‌നസ് അടക്കം പരിശോധിച്ചാണ് ഒഴിവാക്കേണ്ടത്. എ.ഡി.ജി.പി മനോജ്എബ്രഹാമിനെ ഇക്കാര്യത്തിനായി ഗവർണർ വിളിച്ചുവരുത്തിയിട്ടില്ലെന്നും രാജ്ഭവൻ വിശദീകരിച്ചു.

ഗവർണർ ആർലേക്കറുടെ എ.ഡി.സിയായി നിയമിക്കാൻ മൂന്ന് ജൂനിയർ എസ്.പിമാരുടെ പട്ടിക രാജ്ഭവന് കൈമാറി. ഇതിലൊരാളെ ഗവർണർ നിയമിക്കും. ആരിഫ് മുഹമ്മദ് ഖാന്റെ എ.ഡി.സിയായിരുന്ന ഡോ.അരുൾ ആർ.ബി കൃഷ്ണയെ റെയിൽവേ എസ്.പിയായി മാറ്റിനിയമിച്ചിരുന്നു. ആർലേക്കർക്കൊപ്പം ഒ.എസ്.ഡിയായി നാവികസേനയിലെ ഉദ്യോഗസ്ഥൻ പ്രതീഷ് എത്തിയിട്ടുണ്ട്.

നിയമസഭ ചേരാൻ

അനുമതി

ഈ മാസം 17മുതൽ നിയമസഭ വിളിച്ചുചേർക്കാനുള്ള മന്ത്രിസഭാ യോഗത്തിന്റെ ശുപാർശ ഗവർണർ ഇന്നലെ അംഗീകരിച്ചു. പതിനഞ്ചാം കേരള നിയമസഭയുടെ പതിമൂന്നാം സമ്മേളനമാണിത്.

ഗ​വ​ർ​ണ​റു​ടെ
സു​ര​ക്ഷ​ ​പൊ​ലീ​സി​ന്

തി​രു​വ​ന​ന്ത​പു​രം​:​ ​മു​ൻ​ ​ഗ​വ​ർ​ണ​ർ​ ​ആ​രി​ഫ് ​മു​ഹ​മ്മ​ദ് ​ഖാ​ന്റെ​ ​സു​ര​ക്ഷ​യ്ക്കു​ണ്ടാ​യി​രു​ന്ന​ ​സി.​ആ​ർ.​പി.​എ​ഫ് ​സം​ഘം​ ​മ​ട​ങ്ങി​യ​തോ​ടെ,​ ​പു​തി​യ​ ​ഗ​വ​ർ​ണ​ർ​ ​ആ​ർ​ലേ​ക്ക​റു​ടെ​ ​സു​ര​ക്ഷ​ ​പൂ​ർ​ണ​മാ​യി​ ​പൊ​ലീ​സ് ​ഏ​റ്റെ​ടു​ത്തു.​ ​പൊ​ലീ​സി​ന്റെ​ ​ഏ​റ്റ​വും​ ​ഉ​യ​ർ​ന്ന​ ​സു​ര​ക്ഷാ​ ​ത​ല​മാ​യ​ ​ഇ​സ​‍​ഡ് ​പ്ല​സ് ​സു​ര​ക്ഷ​യാ​ണ് ​ഗ​വ​ർ​ണ​ർ​ക്കു​ള്ള​ത്.​ ​മു​ഖ്യ​മ​ന്ത്രി​ക്കും​ ​ഇ​തേ​ ​സു​ര​ക്ഷ​യാ​ണു​ള്ള​ത്.

ഗ​വ​ർ​ണ​റു​ടെ​ ​യാ​ത്ര​ക​ളി​ലും​ ​താ​മ​സ​സ്ഥ​ല​ത്തും​ ​ഓ​ഫീ​സി​ലു​മ​ട​ക്കം​ ​പൊ​ലീ​സ് ​സു​ര​ക്ഷ​യൊ​രു​ക്കും.​ ​സം​സ്ഥാ​ന​ ​സ്പെ​ഷ്യ​ൽ​ ​ബ്രാ​ഞ്ചി​ലെ​ ​ഉ​ദ്യോ​ഗ​സ്ഥ​രാ​ണ് ​ഗ​വ​ർ​ണ​ർ​ക്ക് ​ചു​റ്റി​ലും​ ​സു​ര​ക്ഷാ​ചു​മ​ത​ല​ ​വ​ഹി​ക്കു​ക.​ ​പ​രി​പാ​ടി​ക​ൾ​ക്ക് ​സു​ര​ക്ഷ​യൊ​രു​ക്കു​ന്ന​ത് ​അ​വി​ട​ത്തെ​ ​എ​സ്.​പി​യാ​യി​രി​ക്കും.​ ​കേ​ന്ദ്ര​ ​ആ​ഭ്യ​ന്ത​ര​ ​മ​ന്ത്രാ​ല​യ​ത്തി​ന്റെ​ ​ബ്ലൂ​ ​ബു​ക്ക് ​പ്ര​കാ​ര​മു​ള്ള​ ​സു​ര​ക്ഷാ​സ​ന്നാ​ഹ​ങ്ങ​ളാ​വും​ ​ഗ​വ​ർ​ണ​ർ​ക്ക് ​ഏ​ർ​പ്പെ​ടു​ത്തു​ക.