ജാമ്യത്തിലിറക്കാൻ ആരുമെത്തിയില്ല; ഒബ്‌സർവേഷൻ  ഹോമിൽ  17കാരൻ  ജീവനൊടുക്കി

കോട്ടയം: ഗവൺമെന്റ് ചിൽഡ്രൻസ് ഹോമിലെ ഒബ്‌സർവേഷൻ ഹോമിൽ 17കാരൻ ജീവനൊടുക്കി. ഇടുക്കി സ്വദേശിയാണ് മരിച്ചത്. ഞായറാഴ്‌ചയായിരുന്നു സംഭവം. ജാമ്യത്തിലെടുക്കാൻ ആരുമെത്താത്തതിൽ മനംനൊന്താണ് ആത്മഹത്യയെന്നാണ് വിവരം.

ബന്ധുവീട്ടിലെ മോഷണവുമായി ബന്ധപ്പെട്ട് കേസും ക്രിമിനൽ പശ്ചാത്തലവും ചൂണ്ടിക്കാട്ടി സെപ്തംബർ ഏഴിനാണ് കുട്ടിയെ ഒബ്‌സർവേഷൻ ഹോമിലെത്തിച്ചത്. തുടർന്ന് മൂന്നുതവണ കോടതിയിൽ ഹാജരാക്കിയെങ്കിലും ജാമ്യത്തിലെടുക്കാൻ ആരുമെത്തിയില്ലെന്ന് പൊലീസ് പറയുന്നു.