മിൽമ യൂണിയൻ പിരിച്ചുവിട്ടത്​ പകപോക്കൽ: കെ.എസ്.​ മണി

തിരുവനന്തപുരം: മിൽമ മലബാർ മേഖല യൂണിയൻ പിരിച്ചുവിട്ടതിന്​ പിന്നിൽ രാഷ്ട്രീയ ലക്ഷ്യമുണ്ടെന്ന് മിൽമ ഫെഡറേഷൻ ചെയർമാൻ കെ.എസ്​ മണി പറഞ്ഞു. പാൽ കൊടുത്ത ഇനത്തിൽ,എറണാകുളം യൂണിയനിലും കോടികൾ കിട്ടാനുണ്ടെന്നും എന്നാൽ സഹോദര സ്ഥാപനത്തിലെ ഭരണസമിതിയെ പിരിച്ചുവിടണമെന്ന്​ ആവശ്യ​പ്പെടാനോ തങ്ങൾ തയ്യാറല്ലെന്നും അദ്ദേഹം കൂട്ടിച്ചേർത്തു. തിരഞ്ഞെടുക്കപ്പെട്ട ഭരണസമിതിയെ പിരിച്ചുവിടുന്നതിനുള്ള മാനദണ്ഡങ്ങളൾ നോക്കാതെയാണ് മലബാർ, തിരുവനന്തപുരം യൂണിയൻ ഭരണസമിതി പിരിച്ചുവിട്ടത്​. തിരുവനന്തപുരം യൂണിയനിൽ നിന്നും ശബരിമലയിലേക്ക് നൽകിയത് ഗുണമേൻമില്ലാത്ത നെയ്യ് ആണെന്ന പരാതിയൊന്നും ദേവസ്വം ബോർഡിൽ നിന്ന്​ കിട്ടിയിട്ടില്ല. ഇതുമായി ബന്ധപ്പെട്ട ഉദ്യോഗസ്ഥർ കുറ്റക്കാരാണെങ്കിൽ അവർക്കെതിരെ ശക്തമായ നടപടി സ്വീകരിക്കണം.