നിയമസഭാ സമ്മേളനം ഒക്ടോ.12 മുതൽ 29 വരെ

തിരുവനന്തപുരം:പതിനാറാം നിയമസഭയുടെ രണ്ടാം സമ്മേളനത്തിന് ഒക്ടോബർ 12ന് തുടക്കം. 12 മുതൽ 16 വരെയും 26 മുതൽ 29 വരെയും ആകെ ഒൻപത് ദിവസമാണ് സഭ ചേരുന്നത്.

റാഗിംഗ് നിരോധന ബിൽ, ഭൂമി പുനർവിതരണ ബിൽ, സ്വകാര്യ സർവകലാശാല ബിൽ ഉൾപ്പെടെ അഞ്ച് ബില്ലുകൾ പരിഗണിക്കുമെന്നാണ് അറിയുന്നത്. 15 ന് 2026-27 സാമ്പത്തിക വർഷത്തെ പുതുക്കിയ ബഡ്ജറ്റിലേക്കുള്ള ഉപധനാഭ്യർത്ഥനകളും കഴിഞ്ഞ സാമ്പത്തിക വർഷങ്ങളിലെ അധിക ധനാഭ്യർത്ഥനകളുടെ സ്റ്റേറ്റ്മെന്റ് മേശപ്പുറത്ത് വയ്ക്കലുമാണ് . 26 ന് പുതുക്കിയ ബഡ്ജറ്റിലേക്കുള്ള ഉപധനാഭ്യർത്ഥനകളെയും കഴിഞ്ഞ സാമ്പത്തിക വർഷങ്ങളിലെ അധിക ധനാഭ്യർത്ഥനകളെയും സംബന്ധിച്ച ചർച്ചയും വോട്ടെടുപ്പും.

29ന് ഉച്ചകഴിഞ്ഞ് ഒരു മണിമുതൽ പുതുക്കിയ ബഡ്ജറ്റിലേക്കുള്ള ഉപധനാഭ്യർത്ഥനകളെയും കഴിഞ്ഞ സാമ്പത്തിക വർഷങ്ങളിലെ അധിക ധനാഭ്യർത്ഥനകളെയും സംബന്ധിക്കുന്ന ധനവിനിയോഗ ബില്ലുകൾ.