ആർമിയുടെ 41 കേന്ദ്രങ്ങളിൽ പൈപ്പ് ലൈൻ ഗ്യാസുമായി ബി.പി.സി.എൽ

കൊച്ചി: ഇന്ത്യൻ ആർമിയുടെ 41 കേന്ദ്രങ്ങളിൽ ആദ്യഘട്ടമായി പൈപ്പ്‌ലൈൻ വഴി (പി.എൻ.ജി) പ്രകൃതിവാതകമെത്തിക്കാൻ ഭാരത് പെട്രോളിയം കോർപ്പറേഷൻ ലിമിറ്റഡ് (ബി.പി.സി.എൽ) ഒരുങ്ങുന്നു. ഇതുസംബന്ധിച്ച് ബി.പി.സി.എൽ വെബിനാർ സംഘടിപ്പിച്ചു. 20,000ൽ അധികം കുടുംബങ്ങൾക്ക് ഇതുവഴി പ്രയോജനം ലഭിക്കും. ആദ്യഘട്ടം 2026-27ൽ പൂർത്തിയാക്കും. എട്ട് ആർമി സ്റ്റേഷനുകളും ആറ് വിതരണ സ്ഥാപനങ്ങളും തമ്മിൽ ധാരണാപത്രത്തിൽ ഒപ്പുവച്ചു. പദ്ധതി നടപ്പാക്കുന്നതിന് കരസേനയ്ക്ക് പിന്തുണ നൽകുമെന്ന് ബി.പി.സി.എൽ ഗ്യാസ് വിഭാഗം ബിസിനസ് ഹെഡ് രാഹുൽ ഠണ്ഡൻ പറഞ്ഞു.