സൗജന്യ യാത്ര: യു.ഡി​.എഫ് വഞ്ചിച്ചെന്ന് എം.വി ഗോവി​ന്ദൻ

പറവൂർ: എല്ലാ കെ.എസ്.ആർ.ടി​.സി​ ബസുകളി​ലും സ്ത്രീകൾക്ക് സൗജന്യയാത്ര വാഗ്ദാനം ചെയ്ത് യു.ഡി​.എഫ് ജനങ്ങളെ വഞ്ചി​ച്ചെന്ന് സി.പി.എം സംസ്ഥാന സെക്രട്ടറി എം.വി. ഗോവിന്ദൻ പറഞ്ഞു.

ആയി​രത്തോളം ബസുകളി​ൽ മാത്രമാണ് സൗജന്യം ലഭ്യമാവുക. അതി​ലേറെയും തി​രുവനന്തപുരത്താണ്. ഇത് ആളെ പറ്റി​ക്കലാണ്. ഉദ്ഘാടന ചടങ്ങി​ൽ പങ്കെടുക്കി​ല്ല. ആശ വർക്കർമാർക്ക് 21000 രൂപ ശമ്പളം വാഗ്ദാനം ചെയ്തും പറ്റി​ച്ചെന്നും, അന്തരിച്ച നടൻ സലിംകുമാറിന്റെ വീട് സന്ദർശിക്കാനെത്തിയ അദ്ദേഹം പറഞ്ഞു.വൈദ്യുതി മന്ത്രി അളിയനെ പേഴ്സണൽ സ്റ്റാഫിൽ നിയമിച്ചതും ശബരിമല സ്വർണക്കൊള്ളക്കേസ് പ്രതിയുടെ വക്കീൽ കെ.ബി. പ്രദീപിനെ ദേവസ്വം സ്പെഷ്യൽ പ്രോസിക്യൂട്ടറായി നിയമിച്ചതും ഇവരുടെ രാജി​യും ഗൗരവതരമാണ്. സ്വജനപക്ഷപാതം സത്യപ്രതി​ജ്ഞാ ലംഘനമാണ്.സ്വർണക്കൊള്ള കേസിലെ ഏതെല്ലാം ഫയൽ പ്രദീപ് കണ്ടുവെന്നത് അന്വേഷിക്കണം.

ആർ.എസ്.എസ് നേതാവ് മോഹൻ ഭഗവത് പങ്കെടുത്ത വേദിയിൽ കേരള, എം.ജി, മലയാളം സർവകലാശാലാ വി.സിമാർ സംഘാടകരെപ്പോലെ പങ്കെടുത്തതി​ൽ ഉന്നതവിദ്യാഭ്യാസ മന്ത്രിയും യു.ഡി.എഫും മറുപടി പറയണം. 19 ആർ.എസ്.എസുകാരെ സെനറ്റിലേക്ക് നോമിനേറ്റ് ചെയ്തിട്ട് കോൺഗ്രസിനും യു.ഡി.എഫിനും മൗനമാണ്. . ഡെങ്കിപ്പനി, നിപ, ഷിഗല്ല. രോഗ പ്രതിരോധത്തിൽ സർക്കാരും മന്ത്രിയും ഫലപ്രദമായി ഇടപെടുന്നി​ല്ല. അടിയന്തര രോഗപ്രതിരോധ നടപടി​ക്ക് സി.പി.എം പിന്തുണ നൽകും.

ശബരിമല കേസിൽ മുൻ ദേവസ്വം പ്രസിഡന്റ് എ. പത്മകുമാറിന്റെ പ്രതികരണങ്ങൾക്ക് മറുപടിയൊന്നും പറയാനില്ലെന്ന് ഗോവിന്ദൻ പറഞ്ഞു. എല്ലാ പാർട്ടി ചുമതലകളിൽ നിന്നും പത്മകുമാറിനെ മാറ്റിയിട്ടുണ്ട്. അച്ചടക്ക ടപടി സ്വീകരിക്കേണ്ടത് പത്തനംതിട്ട ജില്ലാ കമ്മിറ്റിയാണ്.