പാലക്കാട് ഡിവിഷൻ വിഭജനം: കേന്ദ്രത്തെ സമീപിക്കും;സതീശൻ

;തിരുവനന്തപുരം:പാലക്കാട് റെയിൽവേ ഡിവിഷൻ വിഭജിച്ച് മംഗലാപുരം മേഖലയെ മൈസൂർ റെയിൽവേ ഡിവിഷനിലേക്ക് ചേർക്കാനുള്ള തീരുമാനം പിൻവലിക്കണമെന്ന് മുഖ്യമന്ത്രി വി.ഡി.സതീശൻ ആവശ്യപ്പെട്ടു.

റെയിൽവേയുടെ തീരുമാനം പാലക്കാട് റെയിൽവേ ഡിവിഷന്റെ വരുമാനം കുറയ്ക്കുകയും , വികസനത്തെ പ്രതികൂലമായി ബാധിക്കുകയും ചെയ്യും.ഇക്കാര്യത്തിൽ അടിയന്തര പരിഹാരം ആവശ്യപ്പെട്ട് പ്രധാനമന്ത്രിക്കും കേന്ദ്ര റെയിൽവെ മന്ത്രിക്കും കത്തയയ്ക്കും. സംസ്ഥാനത്തെ എം.പിമാരുടെ കൂടി സഹകരണത്തോടെ തീരുമാനം പുനപരിശോധിക്കാൻ കേന്ദ്ര സർക്കാരിന് മേൽ സമ്മർദം ചെലുത്തും. നിലവിൽ സതേൺ റെയിൽവേയിൽ ഉൾപ്പെട്ട ഉള്ളാൾ മുതൽ മംഗലാപുരം വരെയുള്ള പ്രദേശങ്ങൾ സൗത്ത് വെസ്റ്റേൺ റെയിൽവേയിൽ ലയിക്കുന്നതോടെ, സതേൺ റെയിൽവേക്കും കേരളത്തിനും വലിയ നഷ്ടമാണ് സംഭവിക്കുന്നത്. സംസ്ഥാനത്തെ അറിയിക്കുകയോ, ഏതെങ്കിലും തരത്തിലുള്ള ചർച്ചകൾ നടത്തുകയോ ചെയ്യാതെയാണ് പാലക്കാട് ഡിവിഷനെ വിഭജിക്കാൻ തീരുമാനിച്ചതെന്ന് മുഖ്യമന്ത്രി പറഞ്ഞു.