കെ. കുഞ്ഞികൃഷ്ണൻ അനുസ്മരണം

കാഞ്ഞങ്ങാട്: സി.പി.എം കൊവ്വൽ സ്റ്റോർ ബ്രാഞ്ചിലെ ആദ്യകാല പ്രവർത്തകനും കർഷകനും തൊഴിലാളി യൂണിയൻ നേതാവുമായിരുന്ന കുഞ്ഞികൃഷ്ണന്റെ ആറാം ചരമവാർഷികം സമുചിതമായി നടത്തി. കൊവ്വൽ സ്റ്റോർ ഇ.എം.എസ് മന്ദിരത്തിൽ നടന്ന അനുസ്മരണ പൊതുയോഗം സി.പി.എം കാഞ്ഞങ്ങാട് ഏരിയ കമ്മിറ്റി അംഗവും കേരള സ്റ്റേറ്റ് സ്കൂൾ ടീച്ചേഴ്സ് അസോസിയേഷൻ ജില്ലാ പ്രസിഡന്റുമായ കെ.വി സുജാത ഉദ്ഘാടനം ചെയ്തു. ലോക്കൽ കമ്മിറ്റി അംഗം വി. നാരായണൻ അനുസ്മരണ പ്രഭാഷണം നടത്തി. ലോക്കൽ കമ്മിറ്റി അംഗം കെ.വി ദാമോദരൻ അദ്ധ്യക്ഷത വഹിച്ചു. കാഞ്ഞങ്ങാട് ലോക്കൽ സെക്രട്ടറി എ. ശബരീശൻ, ഏരിയ കമ്മിറ്റി അംഗങ്ങളായ വി. സുകുമാരൻ, എൻ. പ്രിയേഷ്, ബ്രാഞ്ച് സെക്രട്ടറി വി. ചന്ദ്രൻ എന്നിവർ സംസാരിച്ചു. ലോക്കൽ കമ്മിറ്റി അംഗം പി. സുശാന്ത് സ്വാഗതം പറഞ്ഞു. രാവിലെ പ്രഭാതഭേരി, പതാക ഉയർത്തൽ, പുഷ്പാർച്ചന എന്നിവ നടന്നു.