മലപ്പുറത്തിന് ഇത് ആവേശക്കപ്പ്

തിരൂരങ്ങാടി: ഫുട്‌ബോൾ ലോകകപ്പിനായി നിമിഷങ്ങൾ ണ്ണിയുള്ള കാത്തിരിപ്പിലാണ് ജില്ലയിലെ ഫുട്ബോൾ പ്രേമികൾ. ഈമാസം 11 മുതൽ ജൂലായ് 19 വരെ കാനഡ, മെക്സിക്കോ,​ അമേരിക്ക എന്നീ രാജ്യങ്ങളിലാണ് ലോകകപ്പ് അരങ്ങേറുന്നത്. ഉദ്ഘാടന മത്സരം 11ന് മെക്സിക്കോയിൽ വെച്ചാണ്. ഫുട്ബോൾ മാമാങ്കം തൊട്ടുമുന്നിലെത്തിയതോടെ വിവിധ ടീം ഫാൻസുകളുടെ ആവേശവും കൊടികയറിയിട്ടുണ്ട്.

അർജന്റീനയ്ക്കും ബ്രസീലിനുമാണ് ജില്ലയിൽ കൂടുതൽ ആരാധകരുള്ളത്. ഇക്കുറി സി ഗ്രൂപ്പിലെ ബ്രസീൽ ടീമിന്റെ ആദ്യ മത്സരം 14ന് ബ്രസീലും മൊറോക്കയും തമ്മിലാണ്. ജെ ഗ്രുപ്പിലെ അർജന്റീനയുടെ ആദ്യ മത്സരം 17ന് അർജന്റീനയും അൾജീരിയയും തമ്മിലാണ്. ജർമനി, സ്‌പെയിൻ, പോർച്ചുഗൽ, ഫ്രാൻസ്, ഇംഗ്ലണ്ട്, സെനഗൽ എന്നിവയാണ് ജില്ലയിൽ ഏറെ ആരാധകരുള്ള മറ്റ് ടീമുകൾ.