'വിദ്യാഭ്യാസ നയം യുവജനത്തെ ശരിയായ ദിശയിൽ നയിക്കാൻ ' രാജ്യത്ത് 14000ൽപ്പരം പിഎം ശ്രീ സ്‌കൂളുകളെന്ന് മോദി

ന്യൂഡൽഹി: യുവജനങ്ങളെ ശരിയായ ദിശയിൽ നയിക്കാനും ഭാവിയിലേക്ക് സജ്ജരാക്കാനുമുള്ള വാഹനമാണ് ദേശീയ വിദ്യാഭ്യാസ നയമെന്ന് പ്രധാനമന്ത്രി നരേന്ദ്ര മോദി. വിദ്യാർത്ഥികൾക്ക് തങ്ങളുടെ മാതൃഭാഷയിൽ മെഡിക്കൽ,​ എൻജിനിയറിംഗ് കോഴ്സുകളിൽ പഠിക്കാൻ നയം സഹായകമായി. കഴി‌ഞ്ഞ 12 വർഷത്തിനിടെ രാജ്യത്തെ വിദ്യാഭ്യാസ അടിസ്ഥാന സൗകര്യം കാര്യമായി വർദ്ധിച്ചു.

650 പുതിയ സർവകലാശാലകൾ,​14,​000ൽപ്പരം കോളേജുകൾ,​4000ൽപ്പരം ഐ.ടി.ഐകൾ,​ 9 ഐ.ഐ.എമ്മുകൾ,​ 13 എയിംസുകൾ എന്നിവ സ്ഥാപിച്ചു. രാജ്യത്തിപ്പോൾ 1.4 ലക്ഷം എം.ബി.ബി.എസ് സീറ്രുകളും​ 823 മെഡിക്കൽ കോളേജുകളുമുണ്ട്.14000ൽപ്പരം പി.എം ശ്രീ സ്‌കൂളുകളും രാജ്യത്ത് പ്രവർത്തിക്കുന്നു. വിദ്യാഭ്യാസത്തിൽ ഒരു തരത്തിലുമുള്ള വിവേചനമില്ലെന്നും ചൂണ്ടിക്കാട്ടി. മൈസൂരുവിലെ സ്വാമി വിവേകാനന്ദ സാംസ്‌കാരിക യുവജന കേന്ദ്രം (വിവേക സ്‌മാരകം)​ ഉദ്ഘാടനം ചെയ്‌തു സംസാരിക്കുകയായിരുന്നു മോദി.