ഷാനിക്ക് സെഞ്ച്വറി, കേരളത്തിന് വമ്പൻജയം

അഹമ്മദാബാദ്: സീനിയർ വനിതാ ഏകദിന ക്രിക്ക​റ്റിൽ നാഗാലന്റിനെതിരെ കേരളത്തിന് കൂ​റ്റൻ വിജയം. 209 റൺസിനാണ് കേരളം നാഗാലന്റിനെ തോല്പിച്ചത്. ക്യാപ്ടൻ ഷാനിയുടെ (121 പന്തിൽ 123)​ഉജ്ജ്വല സെഞ്ച്വറിയും കീർത്തി ജെയിംസിന്റെ അഞ്ച് വിക്ക​റ്റ് നേട്ടവുമാണ് കേരളത്തിന് ഗംഭീര വിജയമൊരുക്കിയത്. ആദ്യം ബാ​റ്റ് ചെയ്ത കേരളം 50 ഓവറിൽ ഏഴ് വിക്ക​റ്റ് നഷ്ടത്തിൽ 301 റൺസെടുത്തു. മറുപടിക്കിറങ്ങിയ നാഗാലാന്റ് 92 റൺസിന് ഓൾ ഔട്ടാവുകയായിരുന്നു. ഷാനി 3 വിക്കറ്റും വീഴ്‌ത്തി.