സുശീൽ കുമാറിന് ജാമ്യം

ന്യൂഡൽഹി : 2021ൽ ഡൽഹി ഛത്രസ്ഥൽ സ്റ്റേഡിയത്തിൽ ജൂനിയർ താരം സാഗർ ധൻകർ ആക്രമണത്തിനിരയായി കൊലചെയ്യപ്പെട്ട കേസിൽ ഒളിമ്പിക് മെഡൽ ജേതാവായ ഗുസ്തി താരം സുശീൽ കുമാറിന് ഡൽഹി ഹൈക്കോടതി സ്ഥിര ജാമ്യം അനുവദിച്ചു. മൂന്നരവർഷത്തോളമായി സുശീൽ ജയിലിലാണ് . 2021 മേയ് 21നാണ് സുശീൽ അറസ്റ്റിലായിരുന്നത്. 2023ൽ കാൽമുട്ട് ശസ്ത്രക്രിയ്ക്ക് വേണ്ടി ഏഴുദിവസത്തെ ജാമ്യം അനുവദിച്ചിരുന്നു. തനിക്ക് നേരിട്ട് കുറ്റകൃത്യത്തിൽ പങ്കുള്ളതായി ഇതുവരെ തെളിയിക്കാൻ പൊലീസിന് കഴിഞ്ഞിട്ടില്ലെന്ന സുശീലിന്റെ വാദം അംഗീകരിച്ചാണ് കോടതി ജാമ്യം നൽകിയത്.