ഷോൺ റോജർക്ക് സെഞ്ച്വറി

തിരുവനന്തപുരം: അണ്ടർ 23 സി.കെ. നായിഡു ട്രോഫി ക്രിക്കറ്റിൽ ഗോവയ്ക്കെതിരെ കേരളം ആദ്യ ഇന്നിംഗ്സിൽ 255 റൺസിന് പുറത്തായി. തുമ്പ സെന്റ് സേവ്യേഴ്സ് കോളേജ് - കെ.സി.എ ഗ്രൗണ്ടിൽ സെഞ്ച്വറി നേടിയ ഷോൺ റോജറാണ് (182 പന്തുകളിൽ 14 ബൗണ്ടറികളും ഒരു സിക്സും അടക്കം 101 റൺസ്)കേരളത്തിനായി തിളങ്ങിയത്. മറുപടിക്കിറങ്ങിയ ഗോവ ആദ്യ ദിവസം കളി നിർത്തുമ്പോൾ വിക്കറ്റ് നഷ്ടപ്പെടാതെ 15 റൺസെടുത്തിട്ടുണ്ട്.മൂന്നാം വിക്കറ്റിൽ വരുൺ നായനാരും(64) ഷോൺ റോജറും ചേർന്നുള്ള 130 റൺസ് കൂട്ടുകെട്ടാണ് കേരളത്തിന് അടിത്തറയിട്ടത്.