ട്രംപ് ടൈം പേഴ്സൺ ഒഫ് ദ ഇയർ

വാഷിംഗ്ടൺ: ടൈം മാഗസിന്റെ ഈ വർഷത്തെ ' പേഴ്സൺ ഒഫ് ദ ഇയർ " ആയി നിയുക്ത യു.എസ് പ്രസിഡന്റ് ഡൊണാൾഡ് ട്രംപിനെ (78) തിരഞ്ഞെടുത്തു. അമേരിക്കൻ പ്രസിഡന്റ് പദവിയിലേക്കുള്ള ചരിത്രപരമായ തിരിച്ചുവരവ് കണക്കിലെടുത്താണ് അംഗീകാരം. 2016ലെ പ്രസിഡൻഷ്യൽ തിരഞ്ഞെടുപ്പ് ജയത്തിന് പിന്നാലെയും റിപ്പബ്ലിക്കൻ പാർട്ടി നേതാവായ ട്രംപിനെ ടൈം പേഴ്സൺ ഒഫ് ദ ഇയർ ആയി തിരഞ്ഞെടുത്തിരുന്നു. യു.എസ് പോപ്പ് ഗായിക ടെയ്‌‌ലർ സ്വിഫ്‌റ്റ് ആയിരുന്നു കഴിഞ്ഞ വർഷം ഈ നേട്ടം കൈവരിച്ചത്.

# മാസ് തിരിച്ചുവരവ്

 ട്രംപിന്റെ ജയം യു.എസ് രാഷ്ട്രീയത്തിലെ ഏറ്റവും വലിയ വഴിത്തിരിവുകളിൽ ഒന്ന്

 ക്രിമിനൽ കേസുകളിൽ തെറ്റുകാരനെന്ന് കണ്ടെത്തിയിട്ടും രണ്ടുതവണ ഇംപീച്ച്മെന്റിന് വിധേയനായിട്ടും വിവാദങ്ങൾ വേട്ടയാടിയിട്ടും ട്രംപ് പിന്മാറിയില്ല. ജനം കൈവിട്ടില്ല

 നവംബർ 5ന് നടന്ന തിരഞ്ഞെടുപ്പിൽ സർവേ ഫലങ്ങൾ അട്ടിമറിച്ച് 312 ഇലക്ടറൽ വോട്ടുകൾ നേടി ചരിത്ര ജയം

 ഡെമോക്രാറ്റിക് സ്ഥാനാർത്ഥിയും വൈസ് പ്രസിഡന്റുമായ കമലാ ഹാരിസ് 226 ഇലക്ടറൽ വോട്ടിൽ ഒതുങ്ങി

 ജനുവരി 20ന് ട്രംപ് അധികാരമേൽക്കും