 ലക്ഷ്യമിട്ടത് നിരവധി മ്യൂസിയങ്ങൾ 'നൂറ്റാണ്ടിന്റെ കൊള്ള'ക്കാർക്കായി : വലവിരിച്ച് ബി.ആർ.ബി

പാരീസ്: നൂറ്റാണ്ടിന്റെ കൊള്ള! ലോകം ഇത്രയും അന്താളിച്ചുപോയൊരു മോഷണം ഈ നൂറ്റാണ്ടിലുണ്ടായിട്ടില്ല. വിശ്വപ്രസിദ്ധമായ ലൂവ്ര് മ്യൂസിയത്തിൽ നിന്ന് കോടികൾ വിലമതിക്കുന്ന അപൂർവ ആഭരണങ്ങൾ ഏഴു മിനിട്ടിൽ അതിവിദഗ്ദ്ധമായി കട്ടവരെ കണ്ടെത്താൻ കച്ചകെട്ടി ബ്രിഗേഡ് ഡി റിപ്രഷൻ ഡു ബാൻഡിറ്റിസ്മെ (ബി.ആർ.ബി ). കവർച്ചകൾ, തട്ടിപ്പുകൾ തുടങ്ങി സംഘടിതവും ഗുരുതരവുമായ കുറ്റകൃത്യങ്ങൾ അന്വേഷിക്കുന്ന പ്രത്യേക പോലീസ് യൂണിറ്റുകളാണ് ബി.ആർ.ബി. 100ഓളം ഏജന്റുമാരാണിതിലുള്ളത്.

നിലവിലെ അന്വേഷണ റിപ്പോർട്ട് അനുസരിച്ച് നാല് പേരാണ് മോഷണത്തിനുണ്ടായിരുന്നത്. എന്നാൽ പിന്നിൽ എത്ര പേരെന്നത് വ്യക്തമായിട്ടില്ല.

കഴിഞ്ഞ രണ്ട് മാസത്തിനിടെ ലൂവ്ര് ഉൾപ്പെടെ നിരവധി ഫ്രഞ്ച് മ്യൂസിയങ്ങൾ കൊള്ളക്കാർ ലക്ഷ്യമിട്ടിരുന്നതായാണ് വിവരം.

മ്യൂസിയത്തിന്റെ തെക്കുകിഴക്കൻ വശത്തെ റോഡിൽ യന്ത്രഗോവണി സ്ഥാപിച്ച് നിറുത്തിയിട്ടുള്ള ട്രക്കിൽ നിന്നാണ് മോഷ്ടാക്കൾ മ്യൂസിയത്തിലേക്ക് പ്രവേശിച്ചത്. രാവിലെ 9.30 നാണ് മ്യൂസിയത്തിലേക്ക് ഇവർ കയറി തുടങ്ങിയത്. 9.34 ന് അറ്റകുറ്റപ്പണികൾ നടക്കുന്ന മ്യൂസിയത്തിന്റെ ഭാഗത്തുകൂടെ അകത്തുകയറി. ബാൽക്കണിയിലെ ജനാല തകർത്ത് അപ്പോളോ ഗാലറിയിലേക്ക. ചില്ലുകൂടുകൾ തകർത്ത് ഒമ്പത് രത്നങ്ങൾ കവർന്നു. അതിവേഗം തിരിച്ചിറങ്ങി സ്‌കൂട്ടറിൽ കയറി രക്ഷപ്പെട്ടു. ഇവർ ഏതുവഴി രക്ഷപ്പെട്ടു എന്നതടക്കം അധികൃതരെ കുഴക്കുകയാണ്.

മോ​ഷ്ടാ​ക്ക​ളെ​ ​പി​ടി​കൂ​ടാ​നാ​ ലും മോഷ്ടിക്കപ്പെട്ട ആഭരണങ്ങൾ തിരികെ കിട്ടുക സംശയകരമാണെന്നാണ് കേന്ദ്ര ഓഫീസിലെ മുൻ അംഗമായ കൊറിൻ ചാർട്രെൽ പറയുന്നത്. രൂപമാറ്റം വരുത്തുകയോ വജ്രങ്ങൾ ചെറിയ കഷണങ്ങളായി മുറിക്കുകയോ ഉരുക്കുകയോ ചെയ്യാമെന്നും,ആഭരണങ്ങൾ വീണ്ടെടുക്കൽ അസാധ്യമാണെന്ന് മരിനെല്ലോ കൂട്ടിച്ചേർത്തു. രാ​ജ്യ​ത്തെ​ ​മ്യൂ​സി​യ​ങ്ങ​ളി​ലെ​ ​സു​ര​ക്ഷാ​ ​വീ​ഴ്ച​ക​ൾ​ ​ചൂ​ണ്ടി​ക്കാ​ട്ടി​ ​വ്യാ​പ​ക​ ​പ്ര​തി​ഷേ​ധ​വും​ ​ഉ​യ​രു​കയാണ്.​ ​രാ​ജ്യ​ത്തി​ന്റെ​ ​പൈ​തൃ​കം​ ​സം​ര​ക്ഷി​ക്കാ​ൻ​ ​ക​ഴി​യാ​ത്ത​ത് ​അ​ങ്ങേ​യ​റ്റം​ ​അ​പ​മാ​ന​ക​ര​മാ​ണെ​ന്ന് ​പ്ര​തി​പ​ക്ഷം​ ​ആ​രോ​പി​ച്ചു.യൂറോപ്പിലുൾപ്പടെ ഇത്തരം കൊള്ളകൾ വർദ്ധിച്ചുവരികയാണെന്ന് ആർട്ട് റിക്കവറി ഇന്റർനാഷണലിന്റെ ക്രിസ്റ്റഫർ മരിനെല്ലോ പറഞ്ഞു.

കഴിഞ്ഞ ദിവസം,​മ്യൂ​സി​യ​ത്തി​ലെ​ ​അ​പ്പോ​ളോ​ ​ഗാ​ല​റി​യി​ലെ​ ​ചി​ല്ല് ​കൂ​ട് ​ത​ക​ർ​ത്ത് ​ആ​ഭ​ര​ണ​ങ്ങ​ൾ​ ​ക​വ​രു​ന്ന​ ​മോ​ഷ്ടാ​വി​ന്റെ​ ​ദൃ​ശ്യ​ങ്ങ​ളും​ ​പു​റ​ത്തു​വ​ന്നു.എട്ട് മിനിറ്റിനുള്ളിൽ 9​ ​ആ​ഭ​ര​ണ​ങ്ങ​ളാ​ണ് ​ആ​കെ​ ​മോ​ഷ്ടി​ക്ക​പ്പെ​ട്ട​ത്.​ ​ഇ​തി​ൽ നെ​പ്പോ​ളി​യ​ൻ​ ​മൂ​ന്നാ​മ​ന്റെ​ ​ഭാ​ര്യയായ​ ​യൂ​ജി​നി​ ​രാ​ജ്ഞി​യു​ടെ​ കി​രീ​ടം​ ​മ്യൂ​സി​യ​ത്തി​ന്റെ​ ​അ​ടു​ത്ത് ​ഉ​പേ​ക്ഷി​ച്ച ​നി​ല​യി​ൽ​ ​ക​ണ്ടെ​ത്തി​യി​രു​ന്നു.​ ​മ്യൂ​സി​യം​ ​ഇ​ന്ന​ലെ​യും​ ​പൊ​തു​ജ​ന​ങ്ങ​ൾ​ക്കാ​യി​ ​തു​റ​ന്നി​ല്ല.