നാസയുടെ സഞ്ചാരികളായ വൈസ്‌‌മാനും, ഗ്ളോവറും വിരമിച്ചു

വാഷിംഗ്ടൺ: അമേരിക്കൻ ബഹിരാകാശ ഏജൻസിയായ നാസയുടെ സഞ്ചാരികളായ റീഡ് വൈസ്‌മാനും (50)​ വിക്ടർ ഗ്ലോവറും (50)​ വിരമിച്ചു. നാസയുടെ സ്വപ്ന പദ്ധതിയായ ആർട്ടിമിസ് മിഷന്റെ ഭാഗമായ ആർട്ടിമിസ് - 2 ദൗത്യത്തിലെ യാത്രികരായിരുന്നു. നാസയുടെ സജീവ ദൗത്യങ്ങളിൽ ഇവർ ഇനി പങ്കാളികളാകില്ല. എന്നാൽ ഉപദേഷ്ടാക്കളാകും. നാസ ജീവനക്കാർക്ക് പരിശീലനവും നിർദ്ദേശങ്ങളും നൽകും. ഏപ്രിലിലാണ് ക്രിസ്റ്റീന കോച്ച്, ജെറമി ഹാൻസൻ എന്നിവർക്കൊപ്പം വൈസ്‌മാനും ഗ്ലോവറും ആർട്ടിമിസ് 2 ൽ പങ്കാളികളായത്. ദൗത്യത്തിലെ ഒറിയോൺ പേടകം ഇവരുമായി ചന്ദ്രന്റെ അടുത്തുകൂടി പറന്ന് ഭൂമിയെ ഭ്രമണം ചെയ്ത് 10 ദിവസത്തിനുള്ളിൽ തിരിച്ചെത്തി. 1972ൽ അപ്പോളോ 17ലൂടെയാണ് മനുഷ്യൻ അവസാനമായി ചന്ദ്രനിലിറങ്ങിയത്. ഇതിന് ശേഷം മനുഷ്യരുമായി ചന്ദ്രന്റെ അടുത്ത് എത്തിയ ആദ്യ ദൗത്യമാണ് ആർട്ടിമിസ് 2.