'അഗരം തന്ന സിഗരം നീ അണ്ണ", ലൈംലൈറ്റിന് വെളിയിലെ നടിപ്പിൻ നായകൻ

വേദിയിൽ നിന്ന് ഒരു പെൺകുട്ടി സംസാരിക്കുന്നു. ചോർന്നൊലിച്ച വീടിനെ കുറിച്ചും അനുഭവിച്ച ദുരിതത്തിനെ കുറിച്ചും അവൾ പറഞ്ഞപ്പോൾ നിറകണ്ണുകളോടെ സദസ്സിൽ നിന്ന് ഒരു മനുഷ്യൻ കൈയ്യടിക്കുന്നു. അദ്ദേഹത്തിന്റെ കണ്ണുകൾ നിറഞ്ഞ് ഒഴുകുന്നുണ്ടായിരുന്നു. ആ കണ്ണുകളിൽ അഭിമാനം തുളുമ്പി. ആകുട്ടി പറഞ്ഞത് 'അഗരം" നൽകിയ പിന്തുണയും, അഗരത്തിലൂടെ ലഭിച്ച സൗഭാഗ്യങ്ങളെ കുറിച്ചുമായിരുന്നു. അഗരത്തിന്റെ കീഴിൽ പഠിച്ച 51 പേർ ഇതിനകം ഡോക്ടർന്മാരായി.