SignIn
Kerala Kaumudi Online
Tuesday, 27 October 2020 6.39 PM IST

പെർഫെക്ട് ആയി മേക്കപ്പ് ചെയ്യാൻ ഉപയോഗിക്കുന്ന ബ്രഷുകളിലും വേണം ശ്രദ്ധ

makeup-brush

പൊതുവെ മേക്കപ്പ് ഇടാനും മറ്റുള്ളവർക്ക് ഇട്ടു കൊടുക്കാനുമൊക്കെ ഇഷ്ടമാണ് എല്ലാ സ്ത്രീകൾക്കും. മേക്കപ്പ് ചെയ്യാനുള്ള ഉൽപന്നങ്ങളിൽ ഏറ്റവും പ്രഥമസ്ഥാനം ബ്രഷുകൾക്കാണ് എന്ന കാര്യം അറിയാമല്ലോ. നല്ല ബ്രഷുകൾ ഉപയോഗിച്ചെങ്കിൽ മാത്രമേ മുഖത്തിടുന്ന മേക്കപ്പ് മികച്ചതും കാണാനഴകുള്ളതും ആയി മാറുകയുള്ളൂ. എന്നാൽ മേക്കപ്പ് പലതരം ഉള്ളതിനാൽ ഏതെല്ലാം ബ്രഷുകളാണ് തെരഞ്ഞെടുക്കേണ്ടതെന്ന് അധികമാർക്കും ധാരണയില്ല. പ്രധാനമായും ഉപയോഗിക്കുന്ന മേക്കപ്പ് ബ്രഷുകൾ ഏതൊക്കെയാണെന്ന് നോക്കാം.

1. ഫൗണ്ടേഷൻ ബ്രഷുകൾ: മേക്കപ്പ് ചെയ്യുന്ന ചർമ്മത്തിന് സുഗമമായ അടിത്തറ നൽകാനാണ് ഫൗണ്ടേഷൻ ബ്രഷുകൾ ഉപയോഗിക്കുന്നത്. ഇതിനായി ഏറ്റവും നല്ല നിലവാരമുള്ള ഒരു ബ്രഷ് തന്നെ ഉപയോഗിക്കേണ്ടത് അത്യാവശ്യമാണ്. തെറ്റായ ഒരു ബ്രഷ് തിരഞ്ഞെടുക്കുന്നത് വഴി നിങ്ങളുടെ മേക്കപ്പ് പ്രവർത്തനങ്ങളുടെ മേന്മ കവർന്നെടുക്കുകയും ചെയ്യുന്ന മേക്കപ്പിന്റെ അഴക് ഇല്ലാതാക്കുകയും ചെയ്യും നിങ്ങളുടെ മുഖത്തിന് സുന്ദരവുമായ സ്വാഭാവികവുമായ രൂപം നൽകുന്നതിൽ ഇതിനു പ്രധാന പങ്കുണ്ട്.

2. കൺസീലർ ബ്രഷുകൾ: സ്‌പോട്ട് കറക്ഷൻ ബ്രഷുകൾ എന്നാണ് കൺസീലർ ബ്രഷുകൾ പൊതുവേ അറിയപ്പെടുന്നത്. പേര് സൂചിപ്പിക്കുന്നത് പോലെ മുഖത്തെ ഏറ്റവും ചെറിയ സ്ഥാനങ്ങളെ കറക്റ്റ് ചെയ്യാൻ വേണ്ടി ഉപയോഗിക്കുന്ന ബ്രഷുകൾ ആണിത്. ചർമ്മത്തിൽ ഉപയോഗിക്കുന്ന മേക്കപ്പിന് കഴിയുന്നത്ര സ്വാഭാവികത തോന്നിക്കാനായി നമുക്കൊരു കൺസീലർ ബ്രഷ് ഉപയോഗിച്ച് കറക്റ്റ് ചെയ്യാം. മറ്റു ബ്രഷുകൾ പോലെ കൺസീലർ ബ്രഷ് ഉപയോഗിച്ചുകൊണ്ട് ഒരിക്കലും മുഖത്ത് മേക്കപ്പുകൾ തേച്ചുപിടിപ്പിക്കാൻ കഴിയില്ല. മറിച്ച് ഇത് ഉപയോഗിച്ചുകൊണ്ട് നിങ്ങളുടെ ചർമ്മത്തിലെ ചെറിയ സ്പോട്ടുകളെ ഫില്ല് ചെയ്യാനാവും.

3. സ്റ്റിപ്ലിംഗ് ബ്രഷുകൾ: മുഖത്ത് ഫൗണ്ടേഷൻ ചെയ്തു കഴിഞ്ഞ ശേഷം ഉപയോഗിക്കാൻ കഴിയുന്ന മറ്റൊരു ബ്രഷാണിത്. സ്റ്റൈപ്പിംഗ് ബ്രഷുകൾ നിങ്ങളുടെ ചർമ്മത്തിന് എയർബ്രഷ്ഡ് രൂപഘടന നൽകാൻ സഹായിക്കുന്നു. സ്റ്റിപ്പിങ് ബ്രഷുകളെ ശ്രദ്ധയോടെ നിരീക്ഷിക്കുകയാണെങ്കിൽ നമുക്കിത് തിരിച്ചറിയാനാകും. ഈ ബ്രഷിന്റെ അറ്റങ്ങളിൽ ലോലമായ തൂവലുകൾ ഉള്ളതിനാൽ ഇത് വളരെ മൃദുവായതാണ്.

4. ആംഗിൾ ബ്ലഷ് ബ്രഷുകൾ: ആംഗിൾ ബ്ലഷ് ബ്രഷുകളാണ് നിങ്ങളുടെ കവിളുകളെ ചുവപ്പിക്കാൻ സഹായിക്കുന്നത്. ബ്രഷിന്റെ കോണാകൃതിയിലുള്ള രൂപഘടന മേക്കപ്പ് ഉൽപ്പന്നത്തെ കവിളുകളിലേക്ക് മൃദുവായി ചേർക്കാൻ അനുവദിക്കുന്നു. അങ്ങനെ മുഖം സ്വാഭാവിക രൂപത്തിലുള്ള ഒന്നായി മാറുന്നു.

5. പൗഡർ ബ്രഷ്: ഒരു പൗഡർ ബ്രഷിന്റെ പ്രാഥമിക ധർമ്മം പൗഡർ ഉപയോഗിച്ചുകൊണ്ട് നിങ്ങളുടെ മുഖത്തെ അയഞ്ഞതും ഒതുക്കമുള്ളതും ആക്കി മാറ്റുക എന്നതാണ്.


6. ആംഗിൾ ബ്രഷ്: ഒരു ആംഗിൾ ബ്രഷിന് ഒന്നിലധികം ഉപയോഗങ്ങളുണ്ട്. ഈ ബ്രഷുകൾ ഒരു ഐലൈനറായും ഉപയോഗിക്കാം. ബ്രഷിന്റെ കോൺ ആകൃതിയിലുള്ള രൂപം നിങ്ങളുടെ പുരികങ്ങളെ നല്ല രീതിയിൽ ഷേപ്പ് ചെയ്തെടുക്കാൻ സഹായിക്കുന്നു. ഇതിന്റെ മൂർച്ചയുള്ള അറ്റങ്ങൾ കാണാനഴകുള്ള രീതിയിൽ മുഖത്തെ സുന്ദരമാക്കാൻ സഹായിക്കുന്നു.

7. കോണ്ടൗർ ബ്രഷ്: കോണ്ടൗർ ബ്രഷുകൾ ഇല്ലാതെ നിങ്ങൾക്ക് മേക്കപ്പ് ചെയ്യുന്നത് സാധ്യമല്ല. ഒരു കോണ്ടൗറിംഗ് ബ്രഷ് എങ്ങനെ ഉപയോഗിക്കണമെന്നതിനെ പറ്റി മിക്ക ആളുകൾക്കും ധാരണ ഉണ്ടായിരിക്കും. കോണ്ടൗർ ബ്രഷിന് ദൃഢമായ കുറ്റിരോമങ്ങളും കോൺ രൂപത്തിലുള്ള അറ്റവും ഉണ്ടാകും. നിങ്ങളുടെ മുഖത്ത് ഷേപ്പ് ചെയ്യേണ്ടതായ ടാർഗെറ്റഡ് മേഖലകളിൽ ഉപയോഗിക്കാനാണ് ഇവ രൂപകൽപ്പന ചെയ്‌തിരിക്കുന്നത്.

8. ഐ ലൈനർ ബ്രഷ്: ഐ ലൈനറുകൾ ഉപയോഗിച്ചുകൊണ്ട് മുഖത്തെ മിനുക്കിയെടുക്കുന്ന വീഡിയോ ട്യൂട്ടോറിയലുകൾ നിങ്ങൾ കണ്ടിട്ടുണ്ടാവുമല്ലോ? ഐ ലൈനർ ബ്രഷുകൾക്ക് പകരം വയ്ക്കാൻ മറ്റൊന്നിനും സാധിക്കുകയില്ല. സൂക്ഷ്മതയാർന്ന രീതിയിൽ കൃത്യതയോടെ നിങ്ങളുടെ കൺപീലികളെ അഴകുള്ളതാക്കിയെടുക്കാൻ ഒരു പ്രത്യേകമായ ഐ ലൈനർ ബ്രഷ് ആവശ്യമാണ്. നിങ്ങൾക്ക് ആവശ്യമായ അളവിൽ കട്ടികുറച്ചും കൂട്ടിയുമൊക്കെ ഉൽപ്പന്നങ്ങൾ ഉപയോഗിക്കുന്നതിന് വേണ്ടിയാണ് ഐ ലൈനർ ബ്രഷ് രൂപകൽപ്പന ചെയ്തിരിക്കുന്നത്.

9. ഐ ഷാഡോ ബ്രഷ്: ഐ ഷാഡോകൾ ക്രീം അല്ലെങ്കിൽ പൗഡർ രൂപത്തിലായാണെങ്കിൽ അത് നിങ്ങളുടെ കൺപോളകളിൽ കൃത്യതയോടെ പ്രയോഗിക്കാൻ ഐ ഷാഡോ ബ്രഷുകൾ നിങ്ങളെ സഹായിക്കുന്നു. ഒരു നല്ല ഐ ഷാഡോ ബ്രഷ് ഉപയോഗിച്ചുകൊണ്ട് നിങ്ങളെ കൺപോളകളെ മനോഹരമാക്കി മാറ്റിയെടുക്കാനാകും

10. ഹൈലൈറ്റിങ്ങ് ഫാൻ ബ്രഷ്: ഒരു ഫാൻ ബ്രഷിലെ കുറ്റിരോമങ്ങൾ ചർമ്മത്തെ ഹൈലൈറ്റ് ചെയ്യാനായി പ്രത്യേകം രൂപകൽപ്പന ചെയ്‌തവയാണ്. കുറ്റിരോമങ്ങൾ നീണ്ടിരിക്കുന്നതിനാൽ മേക്കപ്പ് ഉൽപ്പന്നങ്ങൾ ചെറിയ അളവിൽ മാത്രമേ ഇതിന് ആവശ്യമായി വരുന്നുള്ളൂ. കവിൾത്തടങ്ങളുടെ മുകളിലും മുഖത്തിന്റെ മറ്റ് ഭാഗങ്ങളെയുമെല്ലാം നല്ല രീതിയിൽ ഹൈലൈറ്റ് ചെയ്യാനായി ഇത്തരം ബ്രഷുകൾ ഉപയോഗിക്കാം. നിങ്ങളുടെ മേക്കപ്പ് ഉൽപ്പന്നങ്ങൾ കൂടുതലായി ഉപയോഗക്കപ്പെടുന്നത് ഒഴിവാക്കാൻ ഈ ബ്രഷുകൾ സഹായിക്കും.

11. ബ്ലെണ്ടിങ് ബ്രഷ്: മേക്കബ് ബ്രഷുകളുടെ കാര്യത്തിൽ ബ്ലെൻഡിംഗ് ബ്രഷിന് പ്രധാനപ്പെട്ട ഒരു സ്ഥാനമുണ്ട്. നിങ്ങളുടെ വിരലുകൾ ഉപയോഗിച്ചുകൊണ്ട് ചെയ്യാൻ കഴിയാത്ത പല കാര്യങ്ങളും ചെയ്യാൻ ഇത് നിങ്ങളെ സഹായിക്കുന്നു. പ്രധാനമായും കണ്ണുകൾക്കു മുകളിൽ ഐഷാഡോ ചെയ്യുന്നതിനാണ് ബ്ലെണ്ടിങ് ബ്രഷുകൾ ഉപയോഗിച്ചു വരുന്നത്. ഒരു നല്ല ബ്ലെൻഡിംഗ് ബ്രഷ് കണ്ണിനു മുകളിലെ പാടുകളെ ഒഴിവാക്കിക്കൊണ്ട് മികച്ച ഐ - ഷാഡോ നൽകുന്നു. കണ്ണുകൾക്ക് മുകളിൽ ഈ ബ്രഷുകൾ ഉപയോഗിച്ച് രണ്ടുതവണ ബ്ലെക്ക് ചെയ്യണം. ആദ്യത്തെ തവണ ഫൗണ്ടേഷനായും പീന്നിട് ചെയ്യുന്നത് പൂർണത കൈവരിക്കാനും വേണ്ടിയാണ്.

12. ലിപ് ബ്രഷ്: മിക്കവാറും നമ്മളെല്ലാം ലിപ് മേക്കപ്പ് ഉൽപ്പന്നങ്ങളോപ്പം വരുന്ന ഡൂ ബ്രഷുകൾ നേരിട്ട് ഉപയോഗിച്ചു വരുന്നു. എങ്ങനെയൊക്കെയായാലും ഇതൊരു ലിപ് ബ്രഷിന് പകരമാവില്ല. മേക്കപ്പ് ട്യൂട്ടോറിയലുകളിലും ഫോട്ടോ ഷൂട്ടുകളും ഒക്കെ ശ്രദ്ധിച്ചാൽ നിങ്ങൾക്കിത് മനസ്സിലാകും. നിങ്ങൾക്ക് മികച്ചതും കാണാനഴകുള്ളതുമായ ചുണ്ടുകൾ വേണമെങ്കിൽ, ഒരു ലിപ് ബ്രഷ് ഉപയോഗിക്കണം എന്നത് നിർബന്ധമാണ്.

13. മസ്കാര ബ്രഷ് അല്ലെങ്കിൽ സ്പൂളി: മുഖത്തെ മറ്റു ഭാഗങ്ങളിലെ മേക്കപ്പിനായി ഏതെല്ലാം ബ്രഷുകൾ തിരഞ്ഞെടുക്കാമെന്ന് ഇപ്പോൾ നിങ്ങൾക്കറിയാം. എന്നാൽ നിങ്ങളുടെ കൺപീലികൾക്കും പുരികങ്ങൾക്കുമായി ഏത് ബ്രഷ് തെരഞ്ഞെടുക്കണമെന്ന് അറിയാമോ ? തീർച്ചയായും, നിങ്ങളൊരു ഉൽപ്പന്നം വാങ്ങുമ്പോൾ അത് ഉപയോഗിക്കാനുള്ള വിലകുറഞ്ഞ ചെറിയ ബ്രഷുകൾ അവർ നിങ്ങൾക്ക് നൽകും. എന്നാൽ നിങ്ങളുടെ പുരികങ്ങളും കൺപീലികളും വളരെ വ്യക്തമാർന്നതും അഴകുള്ളതും ആക്കി മാറ്റണമെങ്കിൽ ഒരു മസ്കാര ബ്രഷ് തീർച്ചയായും തെരഞ്ഞെടുക്കണം.


14. ഐ ബ്രോ ബ്രഷ്: നല്ല രീതിയിൽ എഴുതിയ കണ്ണുകൾ കാണാൻ എന്ത് ഭംഗിയാണ്. ഇതിനായി നിങ്ങൾക്ക് ഐ ബ്രോ ബ്രഷ് ഉപയോഗിക്കാം. നിങ്ങളുടെ കണ്ണുകളെ ഹൈലൈറ്റ് ചെയ്തു കാണിക്കാൻ ഇത് സഹായിക്കും. പുരികങ്ങൾ നിങ്ങൾക്ക് ഇഷ്ടമുള്ള രീതിയിൽ രൂപപ്പെടുത്താനായി ഒരു ഐ ബ്രോ ബ്രഷ് അല്ലെങ്കിൽ ഒരു സ്പൂലി ബ്രഷ് ഉപയോഗിക്കുക.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: MAKE UP BRUSH, BEAUTY
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
TRENDING IN LIFESTYLE
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.