
ടൊവിനോ തോമസും നസ്രിയ നസിമും സംവിധായകൻ മുഹ്സിൻ പരാരിയും ആദ്യമായി ഒന്നിക്കുന്ന ' ഗ്രാസ്യാസ് എൽ ക്ലാസിക്കോ' എന്നചിത്രത്തിൽ വൻതാരനിര. ഫെമിനിച്ചി ഫാത്തിമയിലൂടെ മികച്ച നടിക്കുള്ള സംസ്ഥാന അവാർഡ് നേടിയ ഷംല ഹംസ പ്രധാന കഥാപാത്രത്തെ അവതരിപ്പിക്കുന്നു. ബേബി ജീൻ ആണ് മറ്റൊരു പ്രധാന താരം.
നീരജ് മാധവ്, ജിനു ജെസഫ്, ഗോകുലൻ, ശിവഹരിഹരൻ തുടങ്ങിയവരാണ് മറ്റു താരങ്ങൾ.അടുത്ത മാസം ചിത്രീകരണം പൂർത്തിയാകും. ഒക്ടോബറിൽ റിലീസ് ചെയ്യും.
ബാഴ്സയുടെ ഹോം ഗ്രൗണ്ടായ ക്യാമ്പ് നൗവിൽ റയൽ - ബാഴ്സ എൽ ക്ലാസിക്കോ മത്സരത്തിന്റെ കിക്കോഫിനൊപ്പം സ്റ്റേഡിയത്തിൽ കാണികൾക്കൊപ്പമിരുന്ന് ടൊവിനോയും നസ്രിയയും ചേർന്ന് ചിത്രത്തിന്റെ ടൈറ്റിൽ ലോഞ്ച് നിർവഹിച്ചത് വാർത്തയായിരുന്നു. സ്പാനിഷ് ലാ ലിഗയിൽ കിരീടം നിർണയിക്കുന്ന എൽ ക്ലാസിക്കോ പോരാട്ടത്തിന്റെ കിക്കോഫ് ടൈമിൽ ഒരു മലയാളം സിനിമയുടെ ടൈറ്റിൽ ലോഞ്ച് നിർവഹിക്കുന്നത് ആദ്യമാണ്. ഒട്ടേറെ ഹിറ്റ് സിനിമകളുടെ തിരക്കഥാകൃത്തും കെ.എൽ 10 പത്ത് എന്ന ചിത്രത്തിന്റെ സംവിധായകനും ഗാനരചയിതാവുമായ മുഹ്സിൻ പരാരിയും സുഡാനി ഫ്രം നൈജീരിയ'യുടെ സംവിധായകൻ സക്കരിയയും ചേർന്നാണ് തിരക്കഥ . എ ആൻഡ് എച്ച് എസ് പ്രൊഡക്ഷൻസ്, ഹാപ്പി അവേഴ്സ് എന്റെടയ്ൻമെന്റ്സ്, ബാബുഏട്ടൻ ഫിലിംസ്, ദി റൈറ്റിംഗ് കമ്പനി എന്നീ ബാനറിൽ സജിൻ അലി, അബ്ബാസ് തിരുനാവായ, സമീർ താഹിർ, ഷൈജു ഖാലിദ് എന്നിവർ ചേർന്നാണ് നിർമ്മാണം. ഛായാഗ്രഹണം : വിഷ്ണു തണ്ടശ്ശേരി, എഡിറ്റർ: ബ്ലെസ് തോമസ്, ക്രിയേറ്റീവ് ഡയറക്ടർ: ഹർഷാദ് അലി, വസ്ത്രാലങ്കാരം: മഷർ ഹംസ, മേക്കപ്പ്: റോണക്സ് സേവ്യർ.
|
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |