അടിയന്തരാവസ്ഥ 9-ാം ക്ളാസ് പാഠപുസ്‌തകത്തിൽ

ന്യൂഡൽഹി: എൻ.സി.ഇ.ആർ.ടിയുടെ 9-ാം ക്ളാസ് സാമൂഹ്യപാഠ പുസ്‌തകത്തിൽ അടിയന്തരാവസ്ഥയുടെ വെല്ലുവിളികളെക്കുറിച്ചുള്ള ഭാഗം ഉൾപ്പെടുത്തി. മൗലികാവകാശങ്ങൾ വിലക്കിയ ആ കാലഘട്ടം ഇന്ത്യൻ ജനാധിപത്യം നേരിട്ട പ്രധാന വെല്ലുവിളികളിൽ ഒന്നാണെന്ന് പാഠത്തിലുണ്ട്.

എൻ‌.സി‌.ഇ‌.ആർ‌.ടി പാഠപുസ്‌തകത്തിലെ ' സമൂഹത്തെ മനസിലാക്കൽ: ഇന്ത്യയും അപ്പുറവും' എന്ന തലക്കട്ടിലെ പാഠത്തിലാണ് ഇതുള്ളത്. അടിയന്തരാവസ്ഥക്കാലത്തെ പ്രതിഷേധങ്ങൾ, പത്രങ്ങളുടെ സെൻസറിംഗ്, രാഷ്ട്രീയ നേതാക്കളുടെ അറസ്റ്റ്, പൗരന്മാരുടെ സ്വാതന്ത്ര്യം പരിമിതപ്പെടുത്തൽ അടക്കം വിവരിക്കുന്നു. അടിയന്തരാവസ്ഥയ്‌ക്കെതിരെ ജനവികാരം ഏകോപിപ്പിക്കുന്നതിൽ സോഷ്യലിസ്റ്റ് നേതാവ് ജയപ്രകാശ് നാരായണന്റെ പങ്കിനെക്കുറിച്ചും പറയുന്നുണ്ട്.